ءىىم جول قوزعالىسىنا قاتىسۋشىلارعا ۇندەۋ جاسادى، دەپ حابارلايدى aqshamnews.kz Polisia.kz-كە سىلتەمە جاساپ.
قازاقستان رەسپۋبليكاسىنىڭ تاۋەلسىزدىك كۇنى مەرەكەسىنە وراي ءبىرقاتار جۇرگىزۋشى كولىكتەرىن مەملەكەتتىك تۋمەن بەزەندىرىپ، جولعا شىعىپ، وزدەرىنىڭ ازاماتتىق ۇستانىمى مەن پاتريوتتىق سەزىمدەرىن كورسەتتى.
— قۇقىقتىق تۇرعىدان مەملەكەتتىك تۋدى كولىككە ورنالاستىرعانى ءۇشىن جاۋاپكەرشىلىك قاراستىرىلماعان، ءبىراق قاۋىپسىزدىك تالاپتارى مەن جول ءجۇرىسى قاعيدالارىن ساقتاۋ مىندەتتى. ءبىراق كەيبىر ازاماتتار مەرەكەلىك شارالار بارىسىندا جول قوزعالىسى ەرەجەلەرىن بۇزىپ، باسقا قاتىسۋشىلارعا كەدەرگى جاساپ، كوشەلەردى جاۋىپ تاستادى. وسىعان بايلانىستى پوليسيا قىزمەتكەرلەرى زاڭعا سايكەس شارالار قابىلداۋعا ءماجبۇر بولدى. مىسالى، 16 جەلتوقساندا شىمكەنت جانە الماتى قالالارىندا پوليسيا قىزمەتكەرلەرى كولىكتەرگە تۋ ىلگەن، الايدا جول ەرەجەلەرىن بۇزعان بىرنەشە كولىكتى توقتاتتى. تەكسەرۋ ناتيجەسىندە جۇرگىزۋشىلەر كولىكتى باسقارۋ قۇقىعىنسىز جۇرگىزگەنى، اپاتتىق جاعداي تۋعىزعانى جانە كولىكتى زاڭسىز جابدىقتاعانى ءۇشىن اكىمشىلىك جاۋاپكەرشىلىككە تارتىلدى. بۇل شارالاردىڭ مەملەكەتتىك تۋدى پايدالانۋعا قاتىسى جوق. سونىمەن قاتار الماتى قالاسىندا پوليسيا قىزمەتكەرلەرى شارلارمەن بەزەندىرىلگەن قوعامدىق كولىكتىڭ جۇرگىزۋشىسى مەن جولاۋشىلارىنا ولاردىڭ ادام ءومىرى مەن دەنساۋلىعىنا ءقاۋىپتى ەكەنىن ءتۇسىندىردى. سونداي-اق كولىكتى زاڭسىز توقتاتۋعا بايلانىستى دەرەكتەر تەكسەرىلۋدە. كىنالى پوليسيا قىزمەتكەرلەرى قاتاڭ تارتىپتىك جاۋاپكەرشىلىككە تارتىلادى. پوليسيا مەملەكەتتىك رامىزدەرگە قۇرمەتپەن قارايدى جانە ازاماتتاردى جول قوزعالىسى ەرەجەلەرىن ساقتاۋعا، تەك رەسمي مالىمەتتەر مەن اقپارات كوزدەرىنە سەنۋگە شاقىرادى، — دەدى ءىىم اپك-نىڭ ەرەكشە تاپسىرمالار جونىندەگى اعا ينسپەكتورى اقتوتى بورانوۆا