الماتىدا 1986 جىلعى جەلتوقسان قۇرباندارىنا ارنالعان ەسكە الۋ جيىندارى ءوتتى. ءىس-شاراعا جەلتوقسان قاتىسۋشىلارىمەن بىرگە قالا باسشىلىعى، زيالى قاۋىم وكىلدەرى جانە قالا تۇرعىندارى قاتىستى.
ءىس-شارا بارىسىندا تاۋەلسىزدىك جولىندا جانىن قيعان جانداردىڭ رۋحىنا تاعزىم جاسالىپ، قۇران باعىشتالدى، سونداي اق ەسكەرتكىش الدىنا گۇل شوقتارى قويىلدى. سونىمەن قاتار، قالا اۋداندارىندا ارنايى اس بەرىلىپ، جەلتوقسان قاتىسۋشىلارىنا قۇرمەت كورسەتىلدى.
جەلتوقسانشى، «1986 جىل. جەلتوقسان» قوعامدىق بىرلەستىگىنىڭ ءتوراعاسى باقىت باينياز تاۋەلسىزدىك - سول كەزدەگى جاستاردىڭ باستى ارمانى بولعانىن اتاپ ءوتتى.
– جەلتوقساننىڭ باستى ماقساتى ورىندالدى – ەلىمىز تاۋەلسىزدىك الدى. ءقازىر ءبىز دەربەس مەملەكەتپىز. ءبىزدىڭ قوعامدىق بىرلەستىكتىڭ توسبەلگىسىندە جەلتوقسان كۇنى مەن سول تاريحي جىل بەينەلەنگەن. ونداعى ماقساتىمىز – بۇل وقيعانىڭ ۇمىتىلماۋى، جاستارعا ۇلگى بولۋى. ءبىز ءۇشىن ەڭ قىمبات قۇندىلىق – تاۋەلسىزدىك،- دەپ قورىتتى ول.
بۇل تاريحىمىزداعى تاۋەلسىزدىككە باستار جولداعى ماڭىزدى كەزەڭدەردىڭ ءبىرى. مۇنداي تاعزىم ءىس-شارالارى ۇلت جادىن جاڭعىرتىپ، جاس ۇرپاققا تاريحي ساباقتاستىقتى ناسيحاتتايدى