ۆەيپتى 21 جاسقا تولماعان ادامدارعا ساتۋعا زاڭمەن تىيىم سالىنادى.
دۇنيەجۇزىلىك دەنساۋلىق ساقتاۋ ۇيىمىنىڭ قازاقستاندا جۇرگىزگەن زەرتتەۋى بويىنشا 11 جاستان 15 جاسقا دەيىنگى جاسوسپىرىمدەر اراسىندا ەلەكتروندى تەمەكىنى تۇتىنۋ ءتورت جىل ىشىندە 3 ەسە وسكەن. مۇنداي دەرەكتەر دەنساۋلىق ساقتاۋ مينيسترلىگى اشىق تالقىعا شىعارعان ارنايى تۇجىرىمدامادا كورسەتىلگەن، دەپ حابارلايدى Almaty-akshamy.kz قازاقپاراتقا سىلتەمە جاساپ.
«قازاقستاندا ەلەكتروندى تەمەكى بۇيىمدارىن باقىلاۋسىز ساتۋعا بايلانىستى ونى قولدانۋ قارقىنى جوعارى. ول بارلىق جەردە جاستارعا قولجەتىمدى باعادا ساتىلادى. ءاربىر ازىق-تۇلىك دۇكەنىندە ساتىلاتىن ۆەيپتەردىڭ باعاسى 2000 تەڭگەدەن اسپايدى. ول جاستار ءۇشىن قولجەتىمدى. ۆەيپتى 21 جاسقا تولماعان ادامدارعا ساتۋعا زاڭمەن تىيىم سالىنادى. الايدا، كودەكستىڭ قولدانىستاعى نورماسى تەمەكى ونىمدەرىنە تىيىم سالۋ جانە تەمەكى ونىمدەرىن اشىق كورسەتۋ بولىگىندە ورىندالمايدى جانە ونى كاسىپكەرلەر ەلەمەيدى. ددۇ-نىڭ قازاقستانداعى زەرتتەۋىنە سەنسەك، 11 جاستان 15 جاسقا دەيىنگى جاسوسپىرىمدەر اراسىندا ەلەكتروندى تەمەكىنى تۇتىنۋ ءتورت جىلدا 3 ەسە ءوستى. اتاپ ايتقاندا، ۇلداردىڭ 15 پايىزى جانە قىزداردىڭ 6 پايىزى ولاردى قولدانىپ كورگەنىن مويىندادى»،- دەلىنگەن تۇجىرىمدامادا.
مينيسترلىك ماسەلەنىڭ شەشىمى رەتىندە جاسوسپىرىمدەر مەن بالالارعا ەلەكتروندى تەمەكى ساتۋعا، تۇتىنۋعا جانە ۆەيپ اينالىمىنا شەكتەۋ قوياتىن نورمانى جەتىلدىرۋدى ۇسىندى.