جاۋىنگەرلەردىڭ شوۋ باعدارلاماسى ەرەكشە ءوتتى
ۆەدومستۆونىڭ ورتالىق اپپاراتى قىزمەتكەرلەرىنىڭ بالالارى مەن نۇر-سۇلتان قالاسى مەكتەپ-ليسەيلەرىنىڭ ءبىرىنىڭ جاس كادەتتەرى قاتىستى، دەپ حابارلايدى Almaty-akshamy.kz Polisia.kz سايتىنا سىلتەمە جاساپ.
اسكەري تەحنيكا، پوليسيا كولىكتەرى، قىزمەتتىك يتتەر بۇلدىرشىندەردىڭ قىزىعۋشىلىعىن وياتا ءتۇستى. اشىق اسپان استىنداعى كورمە جەتكىنشەكتەردىڭ كۇلكىسىنە تولدى. اتالمىش شاراعا مينيستر مارات احمەتجانوۆتىڭ ءوزى قاتىسىپ، كىشكەنتاي قوناقتاردى جازعى مەرەكەمەن قۇتتىقتادى. “بالالار كۇنى قارساڭىندا وسىنداي ءبىر شارا وتكىزىپ جاتىرمىز.
«وزدەرىڭىز بىلەسىزدەر، 2022 جىل مەملەكەت باسشىسى قاسىم-جومارت توقايەۆتىڭ جارلىعىمەن “بالالار جىلى” دەپ جاريالاندى. ءبارىمىز دە بالالارىمىزدىڭ ءار كۇنى باقىتقا تولى بولعانىن قالايمىز. وسكەلەڭ ۇرپاق ءبىلىمدى ءارى باسەكەگە قابىلەتتى بولسا، قازاقستاننىڭ دا بولاشاعى زور بولادى دەگەن سەنىمدەمىن»، – دەدى ىشكى ىستەر ءمينيسترى.
سونىمەن قاتار ءىىم باسشىسى شارادا ستامبۋلدا كيكبوكسينگتەن وتكەن الەم كۋبوگىندە توپ جارعان جاسوسپىرىمدەردى ماراپاتتادى. “الاتاۋ” سپورت سارايىنىڭ سپورت سەكسياسىنىڭ تاربيەلەنۋشىلەرىنە العىس حاتتار مەن ەستەلىك سىيلىقتار تابىستالدى.
بولاشاقتا ءتارتىپ ساقشىسى بولۋدى ماقسات ەتكەن ۇل-قىزداردىڭ ەلىمىزدىڭ باس پوليسەيىمەن سۋرەتكە ءتۇسۋ مۇمكىندىگى بولدى. اتا-انالارىنىڭ جۇمىس ىستەيتىن جەرىنە كەلىپ قوناق بولعان بالالار انيماتورلارمەن كوڭىل كوتەرىپ، قىزىقتى كونسەرتتىك باعدارلامانى تاماشالادى.
بۇلدىرشىندەر الاڭدا سۋرەت سالىپ، جەردى الۋان تۇسپەن بەزەندىردى. سونداي-اق ولاردىڭ نازارىنا جەدەل قيمىلدايتىن ارنايى جاساق جاۋىنگەرلەرىنىڭ شوۋ باعدارلاماسى ۇسىنىلدى. فيزيكالىق دايىندىقتارىمەن كوپتىڭ كوڭىلىنەن شىققان جىگىتتەرگە جينالعاندار العىس ايتىپ، قوشەمەت كورسەتتى.