الماتى مەتروسىندا پويىزدىڭ نە ءۇشىن توقتاپ قالعانى بەلگىلى بولدى، دەپ حابارلايدى Almaty-akshamy.kz قازاقپارات-قا سىلتەمە جاساپ.
«مەتروپوليتەن» كمك باسپا ءسوز قىزمەتىنىڭ مالىمەتىنشە، بۇگىن المالى مەن اباي ستانسالارى ارالىعىندا پويىزدىڭ ءورت دابىل جۇيەسى ىسكە قوسىلعان.
«ماشينيست كورسەتكىشتەردىڭ دۇرىس قوسىلماعانىنا كوز جەتكىزىپ، قوسالقى پوەزدى تالاپ ەتتى. سونىڭ كومەگىمەن پويىز اباي ستانساسىنا جەتكىزىلىپ، كەيىن ەلەكترودەپوعا شىعارىلدى. قازىرگى ۋاقىتتا جابدىق ىسكە قوسىلدى، پويىز جارامدى كۇيدە. تەحنيكالىق بايقاۋ مەن سىناقتاردان وتكەن سوڭ جەلىگە جىبەرىلەدى»،- دەپ اتاپ ءوتتى «مەتروپوليتەن» كمك باسپا ءسوز قىزمەتى.
قوزعالىس كەستەسىنىڭ ءۇزىلۋى 28 مينۋتقا سوزىلدى. ساعات 18:00-دە پويىزداردىڭ قوزعالىس كەستەسى قالپىنا كەلتىرىلدى.