الماتىدا تەلەفون ۇرىسى بەينەباقىلاۋ كامەراسىنا ءتۇسىپ قالدى
الماتىدا تەلەفون ۇرىسى بەينەباقىلاۋ كامەراسىنا ءتۇسىپ قالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
ماسەلە بىرنەشە ۇرلىق جاسادى دەگەن كۇدىككە ىلىنگەن 25 جاستاعى ن.ەسىمدى ەر ادام جايىندا.
«بەس كۇن ىشىندە جاس جىگىت ءۇش رەت ۇيالى تەلەفون ۇرلاعان. قاسكوي كوشەلەردە، ادامدار كوپ جينالاتىن جەرلەردە، ساۋدا ورتالىقتارىندا جۇرگەن. ونىڭ ىس-ارەكەتى بىرنەشە رەت بەينەكامەراعا ءتۇستى. بارلىق فاكتىلەر بويىنشا قىلمىستىق ىستەر تىركەلدى. جەدەل ىزدەستىرۋ ءىس-شارالارى بارىسىندا كۇدىكتى ۇستالدى. بەلگىلى بولعانداي، ول ۇرلىقتىڭ بىرەۋىن كوشەدە جاساعان: جابىرلەنۋشىنىڭ قالتاسىنان IPhone 12 PRO ماركالى ۇيالى تەلەفونىن ۇرلاعان. تاعى ءبىر ۇرلىق ءسۇ جاسالعان: جىگىت سورەدەن Huawei ۇيالى تەلەفونىن ۇرلاپ كەتكەن. ۇستالعان ازامات بۇرىن وسىعان ۇقساس قىلمىستار جاساعانى ءۇشىن سوتتالعان»، – دەيدى جەتىسۋ اۋداندىق پوليسيا باسقارماسى باستىعىنىڭ ورىنباسارى اسحات داۋلەتياروۆ.
ۇستالعان ازامات ءوز كىناسىن مويىنداپ، بىرنەشە قىلمىسقا قاتىستىلىعىن راستادى. بارلىق فاكتىلەر ءبىر وندىرىسكە بىرىكتىرىلگەن. كۇدىكتى ۋاقىتشا ۇستاۋ يزولياتورىنا قامالدى.