ىشكى ىستەر مينيسترلىگى زاڭسىز اينالىمنان اتىس قارۋى مەن وق-دارىلەردى، ونىڭ ىشىندە قاڭتاردا ورىن العان جاپپاي تارتىپسىزدىكتەر كەزەڭىندە ۇرلانعان زاتتاردى الىپ قويۋ جونىندە ماقساتتى شارالار جۇرگىزۋدە.
كريمينالدىق پوليسيا ءىىو قىزمەتتەرىمەن بىرلەسىپ جۇرگىزگەن جەدەل ىزدەستىرۋ ءىس-شارالارىنىڭ ناتيجەسىندە زاڭسىز اينالىمنان 1268 بىرلىك اتىس قارۋى، ونىڭ ىشىندە 127 اۆتومات، ءبىر پۋلەمەت، 395 تاپانشا، 144 ويىق كارابين، 414 تەگىس ۇڭعىلى مىلتىق، سونداي-اق 238 گرانات جانە 33 مىڭنان استام ءتۇرلى كاليبرلى ءوق-دارى تاركىلەندى، دەپ حابارلايدى Almaty-akshamy.kz Polisia.kz-كە سىلتەمە جاساپ.
اتىس قارۋىن زاڭسىز ساقتاعانى جانە الىپ جۇرگەنى ءۇشىن 319 ادام ۇستالدى جانە قاماۋعا الىندى، ونىڭ ىشىندە 22 قىلمىسكەر ۇستالدى. جۇرگىزىلگەن ارنايى وپەراسيالار بارىسىندا اتىس قارۋلارى ساقتالعان 97 قويما جويىلدى.
18 ناۋرىزدا ءىىم كريمينالدىق پوليسيا دەپارتامەنتىنىڭ جانە الماتى قالاسى پد قىزمەتكەرلەرى جەدەل ازىرلەۋ جۇمىستارىن جۇرگىزۋ كەزىندە الماتى تۇرعىنى ۇستالدى. ودان 223 كاليبرلى SL-8، 5 تەگىس ۇڭعىلى مىلتىق، FAIR ۇلگىسىندەگى ءيىر ويىقتى مىلتىق، 12 كاليبرلى، Ata Arms مودەلىنىڭ 2 بىرلىگى، 12 كاليبرلى FRENSHI مودەلىنىڭ 2 بىرلىگى، سونداي-اق قاڭتار وقيعاسى كەزەڭىندە الماتى قالاسىنىڭ “قورعان” اڭشىلىق دۇكەنىنەن ۇرلانعان اڭ اۋلاۋعا ارنالعان سۋ استى ەكى مىلتىق تاركىلەنىپ الىندى.
12 ناۋرىزدا الماتى قالاسى كەرەي-جانىبەك حاندار كوشەسىندەگى “Medeus Villa” قوناق ءۇيىنىڭ سىرتىنداعى ورمان بەلدەۋىنەن قويما تابىلدى، ونىڭ ىشىنەن 3 تاپانشا، 15 گراناتا، 229 ءتۇرلى كاليبرلى پاترون جانە ەكى ءوق-دارى الىنىپ، تاركىلەندى.