الماتى قالاسىنىڭ وڭىرلىك كوممۋنيكاسيالار قىزمەتىنىڭ الاڭىندا قالالىق ءماسليحات دەپۋتاتى تولەۋعالي تايتولەيەۆ مەملەكەت باسشىسىنىڭ تاپسىرماسىمەن ءماسليحات جەرگىلىكتى ءوزىن-وزى باسقارۋدىڭ نەگىزگى تىزبەگى بولاتىنى تۋرالى ايتىپ، وزەكتى ساۋالدارعا جاۋاپ بەردى، دەپ حابارلايدى اlmaty-akshamy.kz الماتى قالاسىنىڭ وڭىرلىك كوممۋنيكاسيالار قىزمەتىنە سىلتەمە جاساپ.
- تولەۋعالي مۇحامەدجان ۇلى، وزىڭىزگە بەلگىلى، پرەزيدەنت مەملەكەت پەن جەرگىلىكتى ءوزىن-وزى باسقارۋ ينستيتۋتتارى فۋنكسيالارىنىڭ اراجىگىن ءتيىمدى اجىراتۋ قاجەتتىگىن اتاپ ءوتتى. وسىعان بايلانىستى قالا ءماسليحاتىنىڭ جۇمىسىندا قانداي وزگەرىستەر كۇتىلۋدە؟
- ءيا، قازىرگى تاڭدا ءماسليحات دەپۋتاتتارى مەملەكەت باسشىسى ۇسىناتىن قالا اكىمى لاۋازىمىنا كەم دەگەندە ەكى كانديداتۋرانى بالامالى نەگىزدە ۇسىنۋ قۇقىعىن رەتتەيتىن زاڭنامالارعا تۇزەتۋلەر ەنگىزىلدى. وسىلايشا، پرەزيدەنت وبلىس جانە رەسپۋبليكالىق ماڭىزى بار قالا اكىمدەرىن ءماسليحاتتاردا قاراۋ ناتيجەسىن ەسكەرىپ تاعايىندايدى. بۇل – ءوڭىر باسشىلارى جاناما سايلاۋ ارقىلى قىزمەتكە كەلەدى دەگەن ءسوز. ءبىراق، مەملەكەت باسشىسىنىڭ ايماق باسشىلارىن ءماسليحاتتاردىڭ كەلىسىمىنسىز ورنىنان بوساتۋ قۇقىعى ساقتالادى. وكىلدى بيلىك تارماعىن وزگەرتۋ جونىندەگى بۇل جاڭاشىلدىقتاردىڭ ءبارى پارلامەنتتىك مادەنيەتى جوعارى جانە ىقپالدى حالىق قالاۋلىلارى بار جاڭا قازاقستاندى قۇرۋعا باعىتتالعان. بۇكىلحالىقتىق رەفەرەندۋم ناتيجەسىندە قابىلدانعان كونستيتۋسيالىق رەفورمار شەڭبەرىندە جەرگىلىكتى وكىلدى ورگانداردىڭ جۇمىسى ءبىرقاتار باعىتتار بويىنشا جەتىلدىرىلەدى.
اتاپ ايتساق، ءماسليحاتتاردىڭ دەربەستىگى مەن حالىق مۇددەسى جولىنداعى جۇمىسىنىڭ تيىمدىلىگىن ارتتىرۋ ماقساتىندا ءماسليحات ءتوراعاسى لاۋازىمى ەنگىزىلىتىن بولادى. سونداي-اق «قازاقستانداعى جەرگىلىكتى ءوزىن-وزى باسقارۋ تۋرالى» جەكە زاڭ ازىرلەنۋدە (مەملەكەتتىك باسقارۋ جانە جەرگىلىكتى باسقارۋ بويىنشا ەكى زاڭ قابىلدانباق). وسى رەتتە پروسەستەردi بيۋروكراتيادان ارىلتۋ جانە مەملەكەتتiك ورگاندار مەن ءماسليحاتتاردىڭ تيiمدiلiگiن ارتىرۋ كوزدەلگەن.
وزدەرىڭىزگە ءمالىم، ءماسليحات دەپۋتاتتارىنىڭ 50 پايىزى تۇرعىنداردىڭ تىكەلەي داۋىس بەرۋىمەن سايلاناتىن بولادى. بۇل حالىق قالاۋلىلارىنىڭ جاۋاپكەرشىلىگىن ايتارلىقتاي ارتتىراتىنى ءسوزسىز. اتالمىش وزگەرىستەر كونستيتۋسيالىق رەفورمالار اياسىندا ىسكە اسادى. سونداي-اق وبلىس اكىمدەرى پارتيا ءتوراعاسى بولىپ تاعايىندالمايدى، بۇل ساياسي پارتيالاردىڭ باسەكەسىن ءوزارا كۇشەيتەدى.
- ال ءماسليحاتتارعا قانداي وكىلەتتىكتەر بەرىلەدى؟ ولار الاتىن جاڭا مۇمكىندىكتەر تۋرالى ايتىپ بەرسەڭىز.
- ق ر «الماتى قالاسىنىڭ ەرەكشە مارتەبەسi تۋرالى» زاڭىنا وزگەرىستەر مەن تولىقتىرۋلار ەنگىزىلدى، اعىمداعى جىلدىڭ قىركۇيەك ايىنان ەنگىزىلگەن تولىقتىرۋلار زاڭدى كۇشىنە ەنەدى.
اتالعان زاڭدا ءماسليحاتقا بۇرىن بولماعان وكىلەتتىكتەر بەرىلدى. مىسالى:
- الماتى قالاسىنىڭ ديزاين-كودىن بەكىتۋ؛
- جىلجىمايتىن مۇلىكتى رەسىمدەۋ ماسەلەلەرىن قاراۋ جونىندەگى كوميسسيانى قۇرۋ، ونىڭ قۇرامىن جانە ول تۋرالى ەرەجەنى بەكىتۋ؛
- الماتى قالاسىندا سىرتقى جارىقتاندىرۋ جۇيەلەرىن پايدالانۋ قاعيدالارىن بەكىتۋ؛
- مەنشىك يەلەرىنىڭ كەلىسىمى بولعان كەزدە ازاماتتار كوپ جينالاتىن ورىنداردا بەينەكامەرالار ورناتۋ جانە بەينەبايقاۋ مونيتورينگىن جۇرگىزۋ قاعيدالارىن، قوعامدىق ءتارتىپتى قورعاۋ جانە اقپاراتتاندىرۋ سالالارىنداعى ۋاكىلەتتى ورگاندارمەن كەلىسۋ بويىنشا بەكىتۋگە قۇقىلى.
- بيىلعى جىلى الماتى ءماسليحاتى ءوز قىزمەتىندە قانداي باعىتتارعا باسا نازار اۋداراتىن بولادى؟
- ءماسليحات جىل سوڭىنا دەيىن ءوز قىزمەتىندە بىرنەشە باعىتتار مەن باسىمدىقتارعا نازار اۋداراتىن بولادى. الماتىنى 2025 جىلعا دەيىنگى دامىتۋ باعدارلاماسى ءقازىر ازىرلەنۋدە، حالىقتىق تالقىلاۋعا ۇسىنىلعان بولاتىن. بۇكىل وزەكتى ۇسىنىستار ەسكەرىلىپ، قامتىلعاننان كەيىن، بۇل باعدارلامانى دەپۋتاتتار قاراستىرىپ، پىسىقتايتىن بولادى. باعدارلامانى قابىلداعاننان كەيىن، ونى جان-جاقتى ىسكە اسىرۋعا دەن قوياتىن بولامىز. سونىمەن قاتار، قوعامداعى جانە قالا دامۋىنداعى وزەكتى ماسەلەلەر بويىنشا دەپۋتاتتىق باستامالار كوتەرىپ، ءتيىستى ەرەجەلەر مەن شەشىمدەر قابىلدانادى. بيۋدجەتتىڭ ويلاستىرىلعان جانە تەرەڭ ساراپتالعان نەگىزدە قالىپتاستىرىلۋى كوزدەلگەن.
بيىلعى جىلى ەل كولەمىندە العاش رەت الماتى قالاسىندا بيۋدجەت جوباسى اكىمدىكتىڭ بيۋدجەتتىك كوميسسياسىنان بۇرىن ءماسليحاتتىڭ سالالىق كوميسسيالارىنىڭ قاراۋىنان وتەدى. تۇرعىنداردىڭ اسا شۇعىل جانە وزەكتى پروبلەمالارىن شەشۋگە دەن قويىلادى. ءىرى ينفراقۇرىلىمدىق جانە وزگە دە اۋقىمدى پروبلەمالار بويىنشا ءماسليحات كوميسسيالارىنىڭ كوشپەلى جيىندارىن وتكىزىلەدى. مەديا كەڭىستىكتە، ينتەرنەتتە جانە الەۋمەتتىك جەلىلەردەگى جۇمىستىڭ قارقىنىن ارتتىرىپ، ءماسليحاتتىڭ قوعامدىق قابىلداۋىندا ازاماتتاردى قابىلداۋ كولەمىن ارتتىرۋعا باسىمدىق بەرىلەدى. دەپۋتاتتار جۇمىسىنىڭ تيىمدىلىگىن ارتتىرۋعا ۇدايى كوڭىل بولىنەدى.
جىلدىڭ سوڭىنا دەيىن قازاقستان رەسپۋبليكاسى زاڭدارىنا وزگەرىستەر مەن تولىقتىرۋلار ەنگىزىلەدى، سوعان سايكەس، زاڭعا تاۋەلدى نورماتيۆتiك قۇقىقتىق اكتiلەر قابىلدايمىز، ونىڭ ۇستىنەن الماتى قالاسى ءماسليحاتىنىڭ «الماتى قالاسىنىڭ 2023-2025 جىلدارعا ارنالعان بيۋدجەتى تۋرالى» شەشىمىنىڭ جوباسىن قاراپ، سەسسيادا بەكىتۋ قاجەت.
- ۋاقىتىڭىزدى ءبولىپ، ساۋالدارعا جاۋاپ بەرگەنىڭىز ءۇشىن العىسىمىزدى بىلدىرەمىز!