اكادەميانىڭ 65 جىلدىق تاريحى بار.
ق ر ءىىم ماقان ەسبولاتوۆ اتىنداعى الماتى اكادەمياسىنىڭ باسشىسى، پوليسيا پولكوۆنيگى ايدار سايتبەكوۆ العاش رەت وڭىرلىك كوممۋنيكاسيالار قىزمەتى الاڭىندا وتكەن بريفينگكە قاتىستى. ول ىشكى ىستەر ورگاندارىنىڭ جۇيەسىندە مامانداردىڭ قالاي دايىندالاتىنىن ايتا وتىرىپ، مەكتەپ تۇلەكتەرىن وقۋ ورنىنا تۇسۋگە شاقىردى، دەپ حابارلايدى Almaty-akshamy.kz.
قازاقستان رەسپۋبليكاسى ىشكى ىستەر مينيسترلىگىنىڭ ماقان ەسبولاتوۆ اتىنداعى الماتى اكادەمياسى – عىلىم، ءبىلىم جانە قۇقىق قورعاۋ سالاسىنداعى وزىق تاجىريبەنى ءتيىمدى بىرىكتىرگەن جاڭا بۋىن اكادەمياسى.
«ءبىزدىڭ اكادەميانىڭ 65 جىلدىق تاريحى بار. وقۋ ورنىنىڭ جىلدار بويى باستى ماقساتى - قىلمىسقا قارسى توتەپ بەرە الاتىن كاسىبي مامانداردى دايىنداۋ»، - دەپ حابارلادى ا.سايتبەكوۆ.
بۇگىندە اكادەميانىڭ تۇلەكتەرى اراسىندا اتاقتى عالىمدار، گەنەرالدار، ءىرى ايماقتىق قۇقىق قورعاۋ ورگاندارىنىڭ باسشىلارى، مەملەكەتتىك ناگرادا يەگەرلەرى بارشىلىق. بۇل جەردەگىلەر، اسىرەسە، ءارتۇرلى لاۋازىمداردا قىزمەتتىك مىندەتتەرىن ابىرويمەن ادال اتقارىپ جۇرگەن تۇلەكتەرىن ەرەكشە ماقتان تۇتادى.
اكادەميادا وقىتۋ ءۇش تىلدە جۇرگىزىلەدى، بۇل قازاقستاننىڭ قۇقىق قورعاۋ ورگاندارىنا سۇرانىسقا يە، حالىقارالىق ستاندارتتارعا ساي مامانداردى دايىنداۋعا مۇمكىندىك بەرەدى.
«كاسىپتىك دايارلاۋ فاكۋلتەتىندە ينفوكوممۋنيكاسيالىق تەحنولوگيالار، كريمينالدىق پوليسيا، ۇيىمداسقان قىلمىسقا قارسى ءىس-قيمىل، كيبەرقىلمىستار، ەسىرتكى بيزنەسى مەن ەكسترەميزمگە قارسى ماماندىقتار جانە IT-كريميناليستەر سالاسى بويىنشا جوعارى ءبىلىمدى مامانداردى دايارلاۋ جۇزەگە اسىرىلادى»، - دەپ جالعاستىردى پولكوۆنيك.
اتالعان وقۋ پروسەسىنە وقىتۋشىلاردان بولەك، جەتەكشى عالىمدار، حالىقارالىق ساراپشىلار مەن تاجىريبەلى قىزمەتكەرلەر جانە قوعام بەلسەندىلەرى تارتىلعان. قازىرگى جانە بولاشاق ماماندار مەن قىزمەتكەرلەردى ينتەرنەت ارقىلى جاسالاتىن قىلمىستارمەن كۇرەسۋ، قىلمىستىڭ الدىن الۋ ءۇشىن وقىتاتىن كيبەر قاۋىپسىزدىك جانە اقپاراتتىق كافەدرانىڭ بازاسىندا كيبەر لابوراتوريا جۇمىس جاسايدى.
ارينە، بولاشاق پوليسيا قىزمەتكەرلەرىنىڭ فيزيكالىق جانە جاۋىنگەرلىك دايىندىعىنا كوپ كوڭىل بولىنەدى. سپورت سەكسيالارى (جاتتىعۋ جانە كۇرەس زالدارى، سونداي-اق وليمپيادالىق ستاندارتتارعا سايكەس كەلەتىن بوكس رينگى) كۋرسانتتارعا فيزيكالىق تۇرعىدان ودان ءارى دامۋعا مۇمكىندىك بەرەدى. سونىمەن قاتار، اكادەميادا اجاەج وفيسەرلەرىن دايارلاۋدىڭ اۆتورلىق باعدارلاماسى ازىرلەنگەن.
ءبىلىم بەرۋ پروسەسىندە كىتاپحانانىڭ الاتىن ورنى ەرەكشە. ءقازىر بۇل جەردىڭ كىتاپحاناسىندا 300 مىڭنان اساتىن كىتاپ قورى بار. سونىمەن قاتار، وقۋ پروسەسىنىڭ بارىسىندا تۇراقتى نەگىزدە مادەني شارالار ۇيىمداستىرىلىپ تۇرادى.
«شەتەلدىك تاجىريبەنى زەردەلەي وتىرىپ، ءبىز ۇزدىكسىز ءبىلىم بەرۋگە كوشتىك، ياعني، اكادەميادا قازىرگى قىزمەتكەرلەر، ونىڭ ىشىندە باسشىلىق قۇرام قايتا دايارلاۋدان وتەدى. جوعارى وقۋ ورنىنان كەيىن «ماگيستراتۋرا» جانە «دوكتورانتۋرا» باعدارلامالارى بويىنشا ءبىلىم الۋعا بولادى.
كەلەسى وقۋ جىلىندا اكادەميا باكالاۆرياتقا كونكۋرستىق نەگىزدە قابىلداۋ جاريالايدى.
وقۋعا ءتۇسۋ ءۇشىن ۇمىتكەرلەر ورتا ءبىلىمدى بولۋ كەرەك. جاس مولشەرى - 16 جاستان 25 جاسقا دەيىنگى ق ر ازاماتتارى قابىلدانادى جانە وقۋعا ءتۇسۋ تۋرالى بارلىق سۇراقتار مەن مالىمەتتەردى جەرگىلىكتى پوليسيا دەپارتامەنتتەرىنەن نەمەسە تىكەلەي ءىىم الماتى اكادەمياسىنان بىلۋگە بولادى.
بولاشاق ۇمىتكەر مەديسينالىق كوميسسيادان ءوتۋى ءتيىس، فيزيكالىق دايىندىعى جونىندە سىناق تاپسىرعان بولۋى كەرەك جانە ۇبت ناتيجەسى 50 بالدان تومەن بولماۋى قاجەت.
قازاقستان رەسپۋبليكاسى ىشكى ىستەر مينيسترلىگىنىڭ الماتى اكادەمياسىندا وقۋ تەگىن، جايلى جاتاقحانادا تۇرۋ قامتاماسىز ەتىلگەن. سونداي-اق وقۋدىڭ ارتىقشىلىقتارىنىڭ قاتارىندا تەگىن تاماق، فورمالىق كيىم، مەديسينالىق قىزمەت كورسەتۋ؛ تۇرعىلىقتى جەرىنە دەيىن (پويىزبەن) جانە كەرى ءجۇرۋ. كۋرسانتتار شاكىرتاقى الادى. وقۋ مەرزىمى مەرزىمدى اسكەري قىزمەت وتكەرۋمەن تەڭ. تولىق وقۋ كۋرسىن اياقتاعان ءاربىر تۇلەككە جۇمىسقا تۇرۋعا كەپىلدىك بەرىلەدى.
وقۋدى اياقتاعاننان كەيىن تۇلەكتەرگە «ۇلتتىق قاۋىپسىزدىك جانە اسكەري ءىس» جانە «اقپاراتتىق-كوممۋنيكاسيالىق تەحنولوگيالار سالاسىنداعى باكالاۆر» ماماندىقتارى بويىنشا مەملەكەتتىك ۇلگىدەگى ديپلوم مەن پوليسيا لەيتەنانتى شەنى قوسا بەرىلەدى.