بۇل جەر جابايى ۇيرەكتەر ءۇشىن قىستاپ شىعاتىن مەكەن بولىپ وتىر.
ولار وسى اۋماقتاعى اققۋ-قازدارمەن بىرگە ءبىر توعاندا ورنالاسقان. مامانداردىڭ ايتۋىنشا، قالادا كۇن سۋىتقالى بەرى شاعىن كولشىكتەرگە مۇز قاتقان. سول سەبەپتى ۇيرەكتەر زووباقتاعى ايدىنعا كەلگەن. ال ورتالىقتىڭ قىزمەتكەرلەرى ولاردى جەممەن قورەكتەندىرىپ ءجۇر. وسىعان بايلانىستى قۇستارعا بەرەتىن ازىق 3 ەسەگە كوبەيگەن، دەپ حابارلايدى Almaty-akshamy.kz.
«قازىرگى كەلىپ جاتقان قۇستاردىڭ شاماسى 300-دەن اسادى. بىزدەگى بۇل سۋ دا قاتپايدى. ويتكەنى اعىن بار. سول ءۇشىن جاعداي جاسايمىز قۇستارعا. سول ءۇشىن باسقا جاقتاعى قۇستار بىزگە كەلىپ تۇرادى وسىلاي»، - دەيدى حايۋاناتتار باعىنىڭ ءبولىم مەڭگەرۋشىسى ايجان سىبانبەكوۆا.
.