الماتىدا جول ەرەجەسىن ورەسكەل بۇزعان اۆتوبۋس جۇرگىزۋشىسى جاۋاپقا تارتىلدى

الماتىدا جۇرگىزۋشى كۋالىگىنىڭ مەرزىمى ءوتىپ كەتكەن قوعامدىق كولىك جۇرگىزۋشىسى جاۋاپقا تارتىلدى.

جولاۋشىلاردى تاسىمالداۋدى جۇزەگە اسىرۋ كەزىندە 59 جاستاعى ك.ەسىمدى ازامات ورەسكەل بۇزۋشىلىققا جول بەردى. ول “اۆتوترانسگاز” جشس-گە تيەسىلى 47-باعىتتاعى قوعامدىق كولىكتى باسقارعان، دەپ حابارلايدى Almaty-akshamy.kz Polisia.kz-كە سىلتەمە جاساپ. 

«ونىڭ ىس-ارەكەتى ق ر اقبتك-نىڭ 612-بابى 2-بولىگى بويىنشا سارالانعان. جۇرگىزۋشى جاۋاپقا تارتىلدى. سونداي-اق مەرزىمى ءوتىپ كەتكەن قۇجاتى بار جۇرگىزۋشىنى جەلىگە شىعارعان كاسىپورىننىڭ مەحانيگىنە دە اكىمشىلىك شارا قولدانىلدى. سونىمەن قاتار شاھار جولدارىندا قوعامدىق كولىك جۇرگىزۋگە داعدىسى دا، رۇقساتى/ساناتى دا جوق قوعامدىق كولىك جۇرگىزۋشىسى انىقتالدى. ماسەلە “دۋمان ترانس” ج ش س قىزمەتكەرى تۋرالى بولىپ وتىر. ول 11ء-شى باعىتتاعى قوعامدىق كولىكتى باسقارعان. ق ر اقبتك-نىڭ 619-بابى 1-بولىگى بويىنشا حاتتاما تولتىرىلدى»، – دەدى الاتاۋ اۋداندىق پب-نىڭ مەملەكەتتىك اۆتوينسپەكتورى رۋسلان ورازىمبەتوۆ.

سپيكەردىڭ ايتۋىنشا، ەكى كولىك قۇرالى دا ايىپپۇل تۇراعىنا ورنالاستىرىلعان.