2023 جىلعى 1 قاڭتاردان باستاپ عىلىمي ۇيىم قىزمەتكەرلەرىنىڭ لاۋازىمدىق جالاقىسى 18 پايىزعا ارتتى. 2024 جىلعى 1 قاڭتارىنان تاعى 18 پايىزعا، ال 2025 جىلعى 1 قاڭتارىنان 17 پايىزعا كوبەيەدى. بۇل تۋرالى عىلىم جانە جوعارى ءبىلىم ءمينيسترى ساياسات نۇربەك مالىمدەدى، دەپ حابارلايدى Almaty-akshamy.kz.
ءمينيستردىڭ ايتۋىنشا، «قازاقستان رەسپۋبليكاسىنىڭ عىلىم ماسەلەلەرى جونىندەگى كەيبىر زاڭنامالىق اكتىلەرىنە وزگەرتۋلەر مەن تولىقتىرۋلار ەنگىزۋ تۋرالى» زاڭ جوباسىندا كوزدەلگەن نورما اياسىندا عىلىمي اتاعى بار عىلىمي قىزمەتكەرلەرگە ۇستەمەاقى مولشەرىن ارتتىرۋ كوزدەلگەن.
بيىلدان باستاپ عىلىمي اتاق بولعان جاعدايدا كەلەسى مولشەردە ۇستەمەاقى بەلگىلەۋ كوزدەلىپ وتىر:
- عىلىم كانديداتى، فيلوسوفيا دوكتورى جانە بەيىنى بويىنشا دوكتور عىلىمي دارەجەسى بار قاۋىمداستىرىلعان پروفەسسور ءۇشىن 25 ەسەلەنگەن اەك (بۇرىن 17 اەك)؛
- عىلىم دوكتورى عىلىمي دارەجەسى بار قاۋىمداستىرىلعان پروفەسسور ءۇشىن 42 ەسەلەنگەن اەك (بۇرىن 34 اەك)؛
- عىلىم كانديداتى، فيلوسوفيا دوكتورى، بەيىنى بويىنشا دوكتور، عىلىم دوكتورى عىلىمي دارەجەسى بار پروفەسسور ءۇشىن 50 ەسەلەنگەن اەك (بۇرىن 17 اەك).