مۇراگەرلىك كەڭەسى ءىىى كارلدى قۇراما كورولدىكتىڭ جاڭا كورولى دەپ رەسمي تۇردە جاريالادى، دەپ حابارلايدى Almaty-akshamy.kz Inform.kz-گە سىلتەمە جاساپ.
ءتيىستى قۇجاتقا ەڭ الدىمەن تاق مۇراگەرى حانزادا ۋيليام، سودان كەيىن كەزەك بويىنشا پاتشايىم-كونسورت كاميللا، قاۋىمدار پالاتاسىنىڭ كوشباسشىسى جانە كەڭەستىڭ ءلورد-توراعاسى پەنني مورداۋنت، ۇلىبريتانيا پرەمەر-مينيسترى ليز تراسس جانە كەنتەربەري ارحيەپيسكوپى قول قويدى.
ءراسىمىن ۇيىمداستىرۋشىدان باسقا قاتىسۋشىلاردىڭ بارلىعى قارا نەمەسە كۇلگىن ءتۇستى كيىم كيگەن. بۇل – قايتىس بولعان پاتشايىمدى جوقتاۋ بەلگىسى بولىپ سانالادى.
كورەرمەندەردىڭ ءبىرىنشى قاتارىندا ۇلىبريتانيانىڭ بۇرىنعى پرەمەر-مينيسترلەرى – دجون مەيدجور، گوردون براۋن، بوريس دجونسون، ديەۆيد كامەرون، تەرەزا مەي جانە توني بلەر بولدى. ولارمەن بىرگە بريتاندىق وپپوزيسيا كوشباسشىسى، لەيبوريستەر پارتياسىنىڭ باسشىسى كير ستارمەر تۇردى.