دۇنيەجۇزىلىك بانك دۇنيەجۇزىلىك دەنساۋلىق ساقتاۋ ۇيىمىنىڭ تەحنيكالىق باسشىلىعىمەن پاندەميانىڭ الدىن الۋ، وعان ازىرلىكتى قامتاماسىز ەتۋ جانە دەن قويۋ ءۇشىن جاڭا قارجىلىق دەلدالدىق قور قۇردى، دەپ حابارلايدى Almaty-akshamy.kz Inform.kz-كە سىلتەمە جاساپ.
دۇنيەجۇزىلىك بانكتىڭ پاندەميانىڭ الدىن الۋ،وعان دايىندىقتى قامتاماسىز ەتۋ جانە دەن قويۋ ءۇشىن جاڭا قارجىلىق دەلدالدىق قورىن (FIF) قوردىڭ باسقارۋشى كەڭەسى 2022 جىلعى 8-9 قىركۇيەكتە وتكەن العاشقى وتىرىسىندا رەسمي تۇردە قۇردى.
دۇنيەجۇزىلىك بانكتە ناقتىلانعانداي، قور ماقساتى – تابىسى تومەن جانە ورتاشا ەلدەردەگى پاندەميامەن كۇرەسۋ الەۋەتىن نىعايتۋ ءۇشىن قوسىمشا ۇزاق مەرزىمدى قارجىلاندىرۋ.
سونىمەن قاتار، قارجى قورى ۇلتتىق، وڭىرلىك جانە جاھاندىق دەڭگەيلەردە ينۆەستيسيالار مەن تەحنيكالىق قولداۋ ارقىلى اسا كۇردەلى ولقىلىقتاردى جويۋعا باعىتتالعان.
دۇنيەجۇزىلىك بانك قورى پاندەميامەن كۇرەسۋمەن اينالىساتىن نەگىزگى مەكەمەلەردىڭ مىقتى جاقتارى مەن سالىستىرمالى ارتىقشىلىقتارىن پايدالانادى، قوسىمشا قولداۋ كورسەتەدى، سەرىكتەستەر اراسىنداعى ۇيلەستىرۋدى جاقسارتادى، ەلدەرگە ينۆەستيسيالاردىڭ كوبەيۋىن ىنتالاندىرادى، اقپاراتتىق-ناسيحاتتىق قىزمەت ءۇشىن الاڭ رەتىندە قىزمەت ەتەدى جانە دەنساۋلىق ساقتاۋ جۇيەسىنىڭ جوعارى دەڭگەيد ەبولۋىنا باسا نازار اۋدارىپ، قولداۋ كورسەتەدى.
دۇنيەجۇزىلىك بانكتى قارجىلاندىرۋ شەڭبەرىندەگى ۇسىنىستار بويىنشا العاشقى كونكۋرستار 2022 جىلعى قاراشادا اشىلادى.
قوردى قۇرۋدى دۇنيەجۇزىلىك بانكتىڭ ديرەكتورلار كەڭەسى 2022 جىلعى 30 ماۋسىمدا ماقۇلدادى.