Mattel كومپانياسى ءىى ەليزابەت پاتشايىمنىڭ بەينەسىندەگى «باربي» قۋىرشاعىن شىعاردى.
بۇل رەليز ۇلىبريتانيا پاتشايىمىنىڭ تۋعان كۇنىنە ارنالعان بولاتىن: 21 ءساۋىر كۇنى ول 96 جاسقا تولدى، دەپ حابارلايدى Almaty-akshamy.kz Elorda.info سايتىنا سىلتەمە جاساپ.
جاڭا قۋىرشاقتى تانىستىرا وتىرىپ، Mattel وسىلايشا بريتانيالىق مونارحتى تاقتاعى مەرەيتويىمەن قۇتتىقتاعىسى كەلگەن. 2022 جىلى ءىى ەليزابەتتىڭ پاتشايىم بولعانىنا 70 جىل تولدى.
قۋىرشاققا اقشىل سۇر ءتۇستى كويلەك كيىگىزىلىپ، وردەن تاعىلعان كوك لەنتامەن بەزەندىرىلگەن. سونداي-اق قۋىرشاقتىڭ باسىندا ءىى ەليزابەتتىڭ فيليپپ پاتشامەن ۇيلەنۋ تويىندا كيگەن تياراسىن ەسكە تۇسىرەتىن اشەكەي بار.
جاڭا قۋىرشاق «شابىت سىيلايتىن ايەلدەر» سەرياسى اياسىندا شىعارىلدى. ول 75 دوللار تۇرادى.