ەكسترەميستەر كەپىلدەگىلەردى وزدەرىنىڭ جاقتاستارىنا اۋىستىرعىسى كەلەدى
سەنبى كۇنى يەمەندە قارۋلى ادامدار بۇۇ-نىڭ گۋمانيتارلىق ءبىر قۇرىلىمىنىڭ التى ادامىن ۇرلاپ اكەتكەن، ونىڭ ءبىرى شەتەلدىك ازامات بولعان، دەپ حابارلايدى Almaty-akshamy.kz.
«نيۋس يەمەن» پورتالىنىڭ مالىمەتىنشە، بۇۇ قىزمەتكەرلەرىن ەلدىڭ وڭتۇستىگىندەگى ابيان پروۆينسياسىندا قارۋلى توپ ۇستاپ اكەتكەن، ولار ادەنگە قايتىپ كەلە جاتقان. سودىرلار سونىمەن قاتار بۇۇ قىزمەتكەرلەرىن الىپ جۇرگەن اسكەري پوليسيا قىزمەتكەرىن دە بىرگە الىپ كەتكەن.
الدىن الا بولجام بويىنشا، ەكسترەميستەر كەپىلدەگىلەردى وزدەرىنىڭ جاقتاستارىنا اۋىستىرعىسى كەلەدى، ولاردى بۇعان دەيىن وڭتۇستىك وتپەلى كەڭەس كۇشتەرى ۇستاعان ەدى.
وڭتۇستىك وتپەلى كەڭەس بۇل وقيعاعا قاتىسى بار دەپ حالىقارالىق «مۇسىلمان-باۋىرلار» قاۋىمداستىعىن ايىپتادى، ولار وڭىردەگى سودىرلاردى قولداپ كەلەدى، ونىڭ ىشىندە «ال-كايدا» لاڭكەستىك توبى دا بار.
بۇۇ وكىلدەرى اتالعان پروۆينسيادا گۋمانيتارلىق جاعدايدى تەكسەرۋ ءۇشىن قىزمەتتىك ءىسساپاردا جۇرگەن.