قازاقستاندىق بوكسشىلار اۋەسقوي بوكستاعى جەتەكشى ەلدەر اراسىندا توپ-10-دا ءبىرىنشى ورىن يەلەندى.
حالىقارالىق بوكس قاۋىمداستىعىنىڭ (IBA) رەيتينگىندە وسىلاي كورسەتىلگەن. كوشباسشىلار ۇشتىگىنە وزبەكستان مەن رەسەي دە كىردى، دەپ حابارلايدى aqshamnews.kz.
وسىلايشا، قازاقستان 81 مىڭ ۇپاي جيناپ، رەيتينگتە ءبىرىنشى ورىنعا يە بولدى. 60 800 ۇپايى بار وزبەكستان – ەكىنشى، رەسەي ءۇشىنشى (58 050 ۇپاي) ورىن يەلەندى.
وندىققا ءۇندىستان، ماروككو، كۋبا، مەكسيكا، برازيليا، يتاليا جانە تۇركيا سياقتى ەلدەر كىرگەن.
سوڭعى، 154-ورىندا يسلانديا تۇر. بۇل ەلدە تەك 50 ۇپاي بار.
جەلتوقسان ايىندا تايلاندتا بوكستان ازيا چەمپيوناتى اياقتالدى. قازاقستاندىق ەرلەر كومانداسى ءتورت التىن، بەس كۇمىس جانە ءبىر قولا جەڭىپ الدى. كوماندانىڭ باس باپكەرى قايرات ءساتجانوۆ ەكى جەكپە-جەكتىڭ ناتيجەلەرىمەن كەلىسپەيتىنىن ايتقان.