الەم چەمپيوناتى سوفيا قالاسىندا ءوتىپ جاتىر.
قازاقستاندىق تاەكۆوندوشى يارينا پۋگانسوۆا كادەتتەر اراسىندا تاەكۆوندودان الەم چەمپيوناتىندا ەكىنشى ورىن الدى، دەپ حابارلايدى Almaty-akshamy.kz فەدەراسيانىڭ باسپا ءسوز قىزمەتىنە سىلتەمە جاساپ.
ول 29 كەلىگە دەيىنگى ساناتتا ەكىنشى بولدى.
دايانگتە سپورتشى ءتورت جەكپە-جەك وتكىزىپ، ءۇش جەڭىسكە جەتتى. وكىنىشكە وراي، يراندىق باران ليۆاني دجامال فينالدا ءبىزدىڭ تاەكۆوندوشىدان مىقتى بولدى. وسىلايشا پۋگانسوۆا الەم چەمپيوناتىنىڭ كۇمىس مەدالىنە يە بولدى.
ەسكە سالا كەتەيىك، الەم چەمپيوناتىن سوفيا (بولگاريا) قابىلداۋدا. جارىسقا 77 ەلدىڭ سپورتشىلارى باعىن سىناۋدا.