بۇل الەۋمەتتىك تولەمدى اتا-انانىڭ بىرەۋى عانا الا الادى.
بىلتىر رەسپۋبليكا بويىنشا 385 مىڭ ازاماتقا 1 جاسقا دەيىنگى بالا كۇتىمىنە بايلانىستى الەۋمەتتىك تولەم تاعايىندالعان، دەپ حابارلايدى Almaty-akshamy.kz
ونىڭ 3،5 مىڭعا جۋىعى ەر ادام. بۇل تۋرالى «مەملەكەتتىك الەۋمەتتىك ساقتاندىرۋ قورى» اق باس ديرەكتورى نۇرسۇلۋ كەمەل ايتتى.
«ءبىر جاسقا دەيىنگى بالا كۇتىمىنە بايلانىستى الەۋمەتتىك تولەم مىندەتتى الەۋمەتتىك ساقتاندىرۋ جۇيەسىنە قاتىسۋشىعا جانە بالا كۇتىمىمەن اينالىساتىن اتا-اناعا تاعايىندالادى. ول مۇمكىن اكەسى نەمەسە اناسى بولار. بۇل اتا-انانىڭ وزدەرىنىڭ قۇقىعى. مۇنداي قۇقىق شەكتەلمەگەن. بالا كۇتىمىمەن اينالىساتىن ناقتى اتا-اناعا تاعايىندالادى. ەگەر بالا وتباسىندا تۋىلسا، بۇل بالاعا كۇتىمدى اكەسى جاسايتىن بولسا جانە ول جۇمىس ىستەسە، وندا بۇل تولەمگە كەلۋىنە تولىق مۇمكىندىگى بار»، - دەدى نۇرسۇلۋ مىرزاگەلدى قىزى.