يادرولىق قارۋعا يە بەس مەملەكەت – اقش، جۇڭگو، رەسەي، ۇلىبريتانيا جانە فرانسيا باسشىلارى يادرولىق سوعىس پەن جاپپاي قارۋ شىعارۋعا جول بەرمەۋ جونىندە بىرلەسكەن مالىمدەمە جاسادى دەپ حابارلايدى almaty-akshamy.kz.
ماتىنىندە «يادرولىق سوعىستا جەڭىمپاز بولمايدى جانە ول ەشقاشان باستالماۋى ءتيىس» دەلىنگەن. بۇل قۇجات بۇگىن نيۋ-يوركتە جۇمىسىن باستاۋى ءتيىس بولعان يادرولىق قارۋدى تاراتپاۋ كەلىسىمى جونىندە كونفەرەنسيانىڭ اشىلۋىنا دايىندالعان.
جيىن كەيىنگە شەگەرىلگەن. سوندىقتان بەس الپاۋىت ەلدىڭ باسشىلارى ءوز مالىمدەمەسىن جاريالاۋدى ۇيعاردى. ول اق ءۇي، كرەمل، ەليسەي سارايى جانە جۇڭگو سىرتقى ىستەر مينيسترلىگىنىڭ سايتتارىندا جارىق كوردى.