پرەزيدەنتىمىز قاسىم-جومارت توقايەۆ 2024 جىلدىڭ 2 قىركۇيەگىندە قازاقستان حالقىنا جولداۋىن جاريالاعان بولاتىن.
جولداۋ بارىسىندا مەملەكەت باسشىسى اتوم ەلەكتر ستانسياسىنىڭ قۇرىلىسى بويىنشا رەفەرەندۋم وتكىزۋدى 6 قازانعا بەلگىلەدى.
ءبىز بىرنەشە ۇيىمنىڭ جاريالانعان مالىمدەمەلەرىنە توقتالدىق. ايتىلعان مالىمدەمەلەردى تالداپ كورەيىك.
الماتى مەتالل قۇرىلىمدارى زاۋىتىنىڭ ەڭبەك ۇجىمى اتوم ەلەكتر ستانسياسىنىڭ قۇرىلىسى قازاقستاندىق وندىرىستىك كاسىپورىندارعا پايدا اكەلەتىنىنە باسا نازار اۋدارادى. اتاپ ايتقاندا، زاۋىت جۇمىسشىلارى ءوندىرىس قىزمەتكەرلەرىنە بىرنەشە جىل بۇرىن تاپسىرىس كولەمىن قامتاماسىز ەتۋ ءۇشىن وپەراتور اتوم ەلەكتر ستانسيالارىن قۇرىلىس ساتىسىندا دا، ونىڭ جۇمىس ىستەۋى كەزىندە دە قاجەتتى قۇرىلىس ماتەريالدارىمەن قامتاماسىز ەتۋى قاجەت ەكەنىنە نازار اۋدارۋدى. بۇل رەتتە اكقز قۇرىلىستى ءوزىنىڭ مەتالل ونىمدەرىمەن قامتاماسىز ەتۋگە دايىن ەكەنىن حابارلادى.
ال، قازاقستان وفيسەرلەر وداعىنىڭ مۇشەلەرىنىڭ ايتۋىنشا اەس ەلىمىزدىڭ ستراتەگيالىق دامۋىنا وڭ اسەر ەتەدى. ويتكەنى جاڭا تاۋەلسىز ەنەرگيا كوزىنىڭ اشىلۋى ەنەرگەتيكالىق قاۋىپسىزدىكتى نىعايتۋعا مۇمكىندىك بەرەدى. ولاردىڭ ايتۋىنشا، ءوندىرىستىڭ ونىڭ ىشىندە قورعانىس ونەركاسىبىنىڭ قاجەتتىلىكتەرىن قامتاماسىز ەتۋ ءۇشىن سەنىمدى ەنەرگيا كوزى قاجەت بولادى.
الماتى قالاسىنىڭ ارداگەرلەر كەڭەسى كەيىنگى ۇرپاقتىڭ دەنساۋلىعىنا الاڭداۋشىلىق ءبىلدىرىپ وتىر. بىرىنشىدەن، ەلەكتر ەنەرگياسىنىڭ 70%-ى كومىر ونەركاسىبى ەسەبىنەن وندىرىلەتىنىنە نازار اۋدارىپ، ونىڭ شىعارىندىلارى ەكولوگياعا زيان كەلتىرەدى. سونىڭ ىشىندە الماتىداعى ەكولوگيالىق جاعدايعا دەسترۋكتيۆتى اسەر ەتەدى. ەكىنشىدەن، ماماندار بولاشاقتا ەنەرگيا تاپشىلىعىن بولجاۋدا. سول ءۇشىن دە تۇراقتى ەنەرگيا كوزى قاجەت ەكەنىن العا تارتىپ وتىر.
الماتى قالاسىنىڭ ازاماتتىق اليانسى ساراپشىلارعا سىلتەمە جاساي وتىرىپ، اتوم ەلەكتر ستانسياسىنىڭ قاجەت ەكەنىن العا تارتۋدا. سەبەبى ءبىز سالماساق ونى كورشى ەلدەر سالادى، ال قازاقستان ولاردان ەنەرگيا كوزدەرىن ساتىپ الۋعا ءماجبۇر بولادى.
اۋعانستانداعى سوعىس ارداگەرلەرىنىڭ ۇيلەستىرۋ كەڭەسىنىڭ ايتۋىنشا ءقازىر تەحنولوگيا قارقىندى دامىپ جانە اتوم ەلەكتر ستانسياسى ەكونوميكامىزدىڭ وركەندەۋى مەن بالالارىمىزدىڭ بولاشاعى ءۇشىن قاجەت بولاتىنىنا نازار اۋدارادى.
وسىلايشا، جۇرتشىلىقتىڭ مۇنداي رەاكسياسى اتوم ەلەكتر ستانسياسىنىڭ قازاقستاننىڭ ستراتەگيالىق قاجەتتىلىكتەرىن قاناعاتتاندىراتىن پراكتيكالىق كەرەكتىگى ەكەنىن كورسەتەدى. ەلىمىزدىڭ اۋماعىندا اتوم ەلەكتر ستانسيالارى سالىنادى ما، ول حالىقتىڭ ەرىك-جىگەرىنىڭ كورىنىسى بولاتىن جالپى رەسپۋبليكالىق رەفەرەندۋمنىڭ ناتيجەسىن كورسەتەدى.
ەستەرىڭىزگە سالا كەتەيىك، 6 قازاندا قازاقستاندىقتاردان: «ءسىز قازاقستانداعى اتوم ەلەكتر ستانسياسىنىڭ قۇرىلىسىنا كەلىسەسىز بە؟» دەگەن سۇراق قويىلادى. ال ءسىز ءوز كەزەگىڭىزدە «يا» نەمەسە «جوق» دەپ جاۋاپ بەرە الاسىز.