الماتىدا ونەركاسىپتىك كاسىپورىندار ەكولوگيالىق باقىلاۋدى كۇشەيتىپ، وسى زامانعى ستاندارتتارعا كوشىپ، لاستايتىن زاتتاردى ازايتۋ ماقساتىندا ەڭ وزىق تەحنولوگيالاردى ەنگىزىپ جاتىر. بۇل تۋرالى الماتى قالاسىنىڭ وڭىرلىك كوممۋنيكاسيالار قىزمەتىندە وتكەن باسپا ءسوز كونفەرەنسياسىندا حابارلاندى. "Hyundai Trans Kazakhstan" ج ش س ەكولوگيا ءبولىمىنىڭ باستىعى ايزۋرا ايتىموۆا زاۋىتتىڭ يندۋستريالىق ايماقتاعى ەكولوگيالىق جاعدايدى جاقسارتۋ ءۇشىن قانداي شەشىمدەردى قولدانىپ جاتقانىن ايتىپ بەردى.
ونىڭ ايتۋىنشا، كاسىپورىنداعى بارلىق وندىرىستىك جۇمىس تابيعاتتى قورعاۋ تالاپتارىنا ساي جۇزەگە اسادى. لاك-بوياۋ ماتەريالدارىن جاعۋ سەحتارىندا تولىقتاي گەرمەتيكالىق كامەرالار قولدانىلىپ، وندا اۋانى تازارتۋ گيدروجابىن (گيدروزاۆەسا) ءپرينسيپى بويىنشا جاسالادى. مۇنداي جۇيە بولشەكتەر مەن شاڭدى 92 %-عا دەيىن ۇستاپ قالادى: لاستانعان اۋا تۋربۋلەنتتى اعىنمەن، سۋمەن ارالاسىپ، بولشەكتەر تۇنادى دا، سودان كەيىن تازارتىلعان اۋانى شاتىرداعى جەلدەتۋ جۇيەسى ارقىلى سىرتقا شىعارىپ وتىرادى.
وندىرىستە قولدانىلعان سۋدىڭ بارلىعى كواگۋلياسيادان، pH دەڭگەيىن رەتتەۋدەن باستاپ، ءسۇزۋ مەن شلامدى بولۋگە دەيىنگى كوپساتىلى تازارتۋدان وتەدى. زاۋىتتا بىرنەشە جەرگىلىكتى تازارتۋ جۇيەسى جۇمىس ىستەيدى، وندا سۋدى تازارتادى، تەكسەرىپ، قايتا اينالىمعا جىبەرەدى نەمەسە ءقاۋىپسىز تۇردە قالالىق كارىزگە باعىتتايدى. شلام مەن باسقا دا قالدىقتاردى گەرمەتيكالىق ىدىستاردا جيناپ، ارناۋلى ۇيىمدارعا كادەگە جاراتۋعا بەرەدى.
شاناقتى دايىنداۋ ۋچاسكەلەرىنەن، كاتافورەزدىك ґرۋنتتاۋ جەلىلەرىنەن جانە ءوندىرىستىڭ باسقا دا كەزەڭدەرىنەن شىعاتىن اعىندار التى دەڭگەيلى تازارتۋدان وتەدى. قوسىمشا قولدانىلاتىن فلوتاسيالىق قوندىرعى لاستاۋشى زاتتاردى ءبولىپ، سۋدى ءمولدىر ەتىپ شىعارادى. تۇنبا سۋسىزداندىرىلىپ بولەك شىعارىلىپ، تازارتىلعان اعىندى قالالىق جۇيەگە جىبەرەدى سوسىن. مۇنداي جۇيە قورشاعان ورتانى تازارماعان قالدىق سۋمەن بىلعاۋعا جول بەرمەيدى.
زاۋىتتا قالدىقتار ارناۋلى كومپانيامەن بىرلەسىپ سۇرىپتالادى. "سيفرلىق جاسىل كەڭسە" باعدارلاماسى ىسكە قوسىلعان. كەڭسەلەردەگى قوقىس جاشىكتەرى الىنىپ تاستالدى، قىزمەتكەرلەر پلاستيكتى ارناۋلى فاندوماتتارعا اپارىپ تاپسىرادى. زاۋىت اۋماعىنا وسى زامانعى سۋارۋ جۇيەسى ورناتىلعان، ەكى مىڭنان استام بيىك ءدىڭدى اعاش ەگىلگەن، بۇل يندۋستريالىق ايماقتىڭ ميكروكليماتىن جاقسارتۋعا سەپتەسەدى. تەحنيكالىق قاجەتتىلىك ءۇشىن اينالمالى سۋ جۇيەسى مەن گراديرنيالار پايدالانىلىپ، جاسىل-جەلەكتى زاۋىتتىڭ ۇڭعىماسىنان العان سۋمەن عانا سۋارىپ وتىرادى.
ايزۋرا ايتىموۆا جۇيەلى ەكولوگيالىق جاڭعىرتۋ زاۋىتقا قورشاعان ورتاعا تۇسەتىن جۇكتەمەنى ازايتىپ، الماتىداعى بارلىق ءىرى وندىرىستىك نىسانداردا بىرتىندەپ ەنگىزىلىپ جاتقان ەكولوگيالىق كودەكستىڭ جاڭا تالاپتارىنا ساي بولۋعا مۇمكىندىك بەرىپ وتىرعانىن اتاپ ءوتتى.