اقش پرەزيدەنتى دجو بايدەننىڭ اكىمشىلىگى قىتايلىق Huawei كورپوراسياسى ءۇشىن امەريكالىق كومپانيالارعا ەكسپورتتىق ليسەنزيا بەرۋدى توقتاتتى.
بۇل تۋرالى بريتاندىق Financial Times گازەتى دەرەككوزدەرگە سىلتەمە جاساپ جازدى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
ولاردىڭ پىكىرىنشە، مۇنداي قادام اقش بيلىگىن Huawei-گە امەريكالىق تەحنولوگيالاردى ساتۋعا تولىق تىيىم سالۋدى ەنگىزۋگە جاقىنداتادى. باسىلىم بايدەن اكىمشىلىگىنىڭ قىتايدىڭ تەحنولوگيالىق دامۋىن، ونىڭ ىشىندە جاساندى ينتەللەكت پەن گيپەر دىبىستىق قارۋ سالاسىنداعى دامۋىن باسەڭدەتۋگە باعىتتالعان وداقتاستارمەن بىرلەسكەن ءىستى كۇشەيتۋ ارەكەتتەرى اياسىندا وسىنداي شارا قابىلداعانىن اتاپ ءوتتى.
سوڭعى جىلدارى Huawei جۇڭگو كومپانياسىنا سانكسيا سالعان اقش-تىڭ قاتتى قىسىمىنا ۇشىرادى. اقش ساۋدا مينيسترلىگى ۇلتتىق قاۋىپسىزدىككە قاتەر تونگەندىكتەن، 2019 جىلدىڭ 17 مامىرىنان باستاپ Huaweiء-دى قارا تىزىمگە ەنگىزىپ، كومپانيانىڭ امەريكا قۇراما شتاتتارىنان جوعارى تەحنولوگيالىق جابدىقتى ساتىپ الۋ مۇمكىندىگىن ايتارلىقتاي شەكتەدى. ۆەدومستۆو كەيىننەن جەلىلەرگە قىزمەت كورسەتۋ جانە كومپانيانىڭ ءموبيلدى قۇرىلعىلارى ءۇشىن باعدارلامالىق جاساقتاما جاڭارتۋلارىن قامتاماسىز ەتۋ ليسەنزياسىن شىعاردى، سودان كەيىن ونى بىرنەشە رەت ۇزارتقان بولاتىن.