بىلتىر 4 مىڭ جۇمىسشىنىڭ ەڭبەكاقى قارىزى وتەلدى

جالپى سوماسى 1،5 ملرد تەڭگە تولەنگەن. 

وتكەن جىلى پروكۋرورلار ۋاكىلەتتى مەملەكەتتىك ورگاندارمەن بىرلەسىپ 68 كاسىپورىنداعى 4 مىڭ قىزمەتكەرگە 1،5 ملرد تەڭگە الا الماي جۇرگەن جالاقىسىن قايتارعان، دەپ حابارلايدى Almaty-akshamy.kz باس پروكۋراتۋرانىڭ باسپا ءسوز قىزمەتىنە سىلتەمە جاساپ.

اقپاراتقا سايكەس، جالاقى بويىنشا بەرەشەكتى جەدەل ءوندىرىپ الۋ ءۇشىن دەرەكتەر الماسۋ جولعا قويىلدى، دەبيتورلارمەن جۇمىس جۇرگىزىلۋدە جانە بورىشكەرلەردىڭ مۇلكىن ىزدەۋ ءجۇرىپ جاتىر.

«مىسالى، «تامىر» ج ش س كومپانيالار توبى 243 قىزمەتكەرگە 60 ملن تەڭگە قارىز بولعان. سولتۇستىك قازاقستان وبلىسى پروكۋراتۋراسىنىڭ ۇسىنۋى بويىنشا كاسىپورىنمەن قارىزدار تولىعىمەن تولەنىپ، ال جۇمىس بەرۋشى اقبتك-نىڭ 462-بابىنىڭ 3-بولىگى بويىنشا اكىمشىلىك جاۋاپتىلىققا تارتىلعان»، - دەلىنگەن حابارلامادا.

شەتەلدىك جۇمىس كۇشىن تارتاتىن شارۋاشىلىق جۇرگىزۋشى سۋبەكتىلەردىڭ جۇمىسكەرلەرىنىڭ قۇقىقتارىن ساقتاۋى جەكە باعىت بولىپ تابىلادى.

باس پروكۋراتۋرانىڭ حابارلاۋىنشا، ەڭ كوپ تارالعان بۇزۋشىلىق وتاندىق جانە شەتەلدىك مامانداردىڭ ەڭبەگىنە اقى تولەۋدىڭ تەڭگەرىمسىزدىگى بولىپ وتىر.

انىقتالعان بۇزۋشىلىقتار بويىنشا 66 ۇسىنۋ ەنگىزىلىپ، 228 ادام اكىمشىلىك جاۋاپتىلىققا تارتىلدى. بۇدان باسقا 72 ملن تەڭگەگە ايىپپۇل سالىنىپ، اكىمدىكتەرمەن 266 رۇقسات قايتارىپ الىندى، 150 شەتەلدىك ازامات ەلدەن شىعارىلدى.

«ەڭبەك جاعدايلارىنىڭ قاۋىپسىزدىگى ماسەلەلەرى دە نازاردان تىس قالمايدى. پروكۋرورلاردىڭ اكتىلەرى بويىنشا 30 مىڭ جۇمىسشىعا جالاقىعا ۇستەمەاقى بەلگىلەندى، 600-دەن استام قىزمەتكەرگە وتەماقى تولەندى، قورعاۋ قۇرالدارىمەن جانە ارنايى تاماقپەن كەزەڭ-كەزەڭىمەن قامتاماسىز ەتۋ باستالدى، 22 بىرلىك جابدىقتىڭ جۇمىسى توقتاتىلدى. اكىمشىلىك جاۋاپتىلىققا 226 ادام تارتىلدى»، - دەپ مالىمدەدى باس پروكۋراتۋرانىڭ باسپا ءسوز قىزمەتى.