HR Enbek ەڭبەك رەسۋرستارى پورتالىندا جۇمىس بەرۋشى مەن كاسىپوداق ۇيىمى اراسىندا ەلەكتروندىق ۇجىمدىق شارتتى جاساسۋ مۇمكىندىگى بار.
كاسىپوداق وكىلى پورتالداعى جەكە كابينەتتە ۇجىمدىق شارت جوباسىن جاسايدى جانە ونى جۇمىس بەرۋشىگە كەلىسۋ ءۇشىن جىبەرەدى. جۇمىس بەرۋشى ەۇش جوباسىن بەكىتكەن كەزدە ول ەڭبەك زاڭناماسىنىڭ ساقتالۋىن تەكسەرۋ ءۇشىن اۆتوماتتى تۇردە مەملەكەتتىك ەڭبەك ينسپەكتورىنىڭ جەكە كابينەتىنە جىبەرىلەدى. مەملەكەتتىك ينسپەكتور بەكىتكەننەن كەيىن قۇجاتقا جۇمىس بەرۋشى قول قويا الادى، دەپ حابارلايدى aqshamnews.kz.
پايدالانۋشىلارعا ىڭعايلى بولۋ ءۇشىن جۇيە ەۇش-پەن جۇمىستىڭ بارلىق كەزەڭدەرىندە: جوباعا قول قويعاندا، ونى قايتا قاراۋعا جىبەرگەن كەزدە، مەملەكەتتىك ەڭبەك ينسپەكتورى قۇجاتتى قابىلداعاننان نەمەسە قابىلداماعاننان كەيىن اۆتوماتتى تۇردە جۇمىس بەرۋشىگە جانە كاسىپوداق ۇيىمىنا حابارلامالار جىبەرەدى.
قول قويىلعان ەۇش كاسىپوداق ءۇشىن دە، جۇمىس بەرۋشى ءۇشىن دە كورۋگە جانە جۇكتەپ الۋعا قولجەتىمدى بولادى. ونىڭ ءتۇپنۇسقالىعىن ەلەكتروندى قۇجاتتا ورنالاستىرىلعان QR كودى ارقىلى تەكسەرۋگە بولادى.
ۇجىمدىق شارتتاردىڭ ەلەكتروندىق فورماتىن ەنگىزۋ ەڭبەك قاتىناستارىنىڭ زاڭدىلىعى مەن اشىقتىعىن ارتتىرۋعا، جۇمىس بەرۋشىنىڭ قابىلداعان مىندەتتەمەلەردىڭ ورىندالۋىنا باقىلاۋدى قامتاماسىز ەتۋگە، جۇمىس ورىندارىنىڭ ساپاسىن باقىلاۋعا مۇمكىندىك بەرەدى.