استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى زاڭنامادا كوزدەلگەن الىمدار مەن تولەمدەردى تولەمەي، شەتەلدەن اكەلىنگەن اۆتوكولىكتەردى تىركەۋ ەسەبىنە زاڭسىز قويۋمەن اينالىساتىن ارنايى حقكو مەن پوليسيا قىزمەتكەرلەرىنە جانە ازاماتتىق تۇلعالارعا قاتىستى ۇكىم جاريالادى.
ولار ۇيىمداسقان توپ قۇرىپ، باسشىلىق جاساۋ، مەملەكەتكە مۇلىكتىك زالال كەلتىرۋ، «Web-مودۋل» قكو» جانە «حقكو ياج» اقپاراتتىق جۇيەلەرىندە كولىك قۇرالدارى تۋرالى مالىمەتتەردى زاڭسىز ەنگىزۋ جانە جويۋ، مامىلەلەردىڭ جازباشا نىساندارىن قولدان جاساۋ بويىنشا ايىپتى دەپ تانىلدى، دەپ حابارلايدى اlmaty-akshamy.kz.
2022 جىلدىڭ قاڭتارىنان مامىرىنا دەيىن قىلمىستىق توپ شەتەلدەن اكەلىنگەن 462 اۆتوكولىكتى زاڭسىز تىركەگەن. مەملەكەتكە كەلتىرىلگەن جالپى شىعىن 1،2 ملرد تەڭگەنى قۇرايدى. سوت ۇكىمىمەن 32 ادام سوتتالدى، ونىڭ ىشىندە قىلمىستىق توپتىڭ ۇيىمداستىرۋشىلارى - استانا قالاسىنىڭ №2 مامانداندىرىلعان حقكو باسشىسى ش.بوكەبايەۆ پەن استانا قالاسىنىڭ ارنايى حقكو ماماندارى ا.تام-وگلى مەن ح.تام-وگلى 9 جىل باس بوستاندىعىنان ايىرىلدى. ال توپتىڭ بەس مۇشەسى 6 جىل باس بوستاندىعىنان ايىرۋ، جازانىڭ ءارتۇرلى مەرزىمدەرى بويىنشا 17 «كومەكشىگە» باس بوستاندىعىنان ايىرۋ جانە شەكتەۋ تۇرىندەگى جازا تاعايىندالدى. سونداي-اق، 7 قىزمەتكەر 2 جىل 6 ايدان باستاپ باس بوستاندىعىن شەكتەۋدەن 3 جىل 6 ايعا دەيىن باس بوستاندىعىنان ايىرۋ جازاسىنا كەسىلدى. ولار ارنايى اتاقتارىنان جانە مەملەكەتتىك قىزمەتتە قىزمەت ەتۋ قۇقىعىنان ءومىر بويى ايىرىلدى. سوت پروسەسى استانا قالاسى پوليسيا دەپارتامەنتىنىڭ جەكە قۇرامىنىڭ، سونداي-اق استانا قالاسى ارنايى حقكو قىزمەتكەرلەرىنىڭ قاتىسۋىمەن ءوتتى.
ۇكىم زاڭدى كۇشىنە ەنگەن جوق. سونىمەن قاتار، تەرگەۋ بارىسىندا ارنايى حقكو مامانى كولىك قۇرالدارى يەلەرىنىڭ قولتاڭبالارىن قولدان جاساۋ فاكتىلەرى اۆتوكولىكتەردى ساتىپ الۋ-ساتۋ مامىلەلەرىنىڭ جازباشا نىساندارىندا انىقتالدى.
ق ر قپك-نىڭ 200-بابى تارتىبىندە ەنگىزىلگەن «ازاماتتارعا ارنالعان ۇكىمەت» مەملەكەتتىك كورپوراسياسى» كەاق-عا ۇسىنىمنىڭ ناتيجەسىندە اۆتوموبيلدەردى تىركەۋ قاعيدالارىنا اۆتوكولىك يەسىنىڭ ەسق-كىلتىن مىندەتتى تۇردە پايدالانا وتىرىپ، مامىلەلەردىڭ ەلەكتروندىق نىسانىنان جازباشا نىساندى الىپ تاستاۋ تۋرالى وزگەرىستەر ەنگىزىلدى. مۇنداي وزگەرىس اۆتوكولىكتەردى ساتىپ الۋ-ساتۋ شارتىن جاساسۋ كەزىندە اۆتو يەلەرىنىڭ قولدارىن قولدان جاساۋ بولىگىندە جەمقورلىق تاۋەكەلدەرىن بولدىرمايدى. سونىمەن قاتار، ارنايى حقكو مەن ىىم-دە اۆتوكولىكتى تىركەۋ بويىنشا جاڭا اقپاراتتىق جۇيەلەر ىسكە قوسىلدى. وتىنىمدەردى راسىمدەۋ جانە قاراۋ كەزىندە دەرەكتەردى تۇزەتۋ ءۇشىن مۇمكىندىكتەر الىنىپ تاستالدى. ەندى تەك اكىمشىلىك پوليسيا كوميتەتى وزگەرىستەر ەنگىزە الادى. وتىنىمدەردى تىركەۋ ءراسىمى جەڭىلدەتىلدى. ەندى بۇل ءۇشىن تەك جسن ەنگىزۋ قاجەت، ال قالعان دەرەكتەر باسقا اقپاراتتىق جۇيەلەردەن اۆتوماتتى تۇردە تولتىرىلادى. بۇل رەتتە جۇيەنىڭ ءوزى ەكىنشى دەڭگەيدەگى بانكتەردىڭ تۇبىرتەكتەرىن، مىندەتتى تولەمدەرىن جانە ايىپپۇلدارىن تولەۋدى تەكسەرەدى.
2022 جىلى 9،4 مىڭ اۆتوكولىكتى تىركەگەنى ءۇشىن 10،6 ملرد تەڭگە جينالدى، 2023 جىلى زاڭداستىرۋدى ەسكەرە وتىرىپ، 10،2 مىڭ اۆتوكولىكتى تىركەگەن كەزدە 91،3 ملرد تەڭگە ءتۇستى. اتالعان تاۋەكەلدەردى جويۋ ناتيجەسىندە وتكەن جىلى بيۋدجەتكە تۇسكەن ءتۇسىم 9 ەسەگە ۇلعايدى. جالپى، جاڭا اقپاراتتىق جۇيەلەردى ەنگىزۋ وسى سالاداعى بارلىق قىزمەتكە وڭ اسەرىن تيگىزدى.