پوليسيا بولىمشەسىندە ۇزاق جىلدار بويى وتان يگىلىگى ءۇشىن ادال دا شىنايى قىزمەت ەتكەن ساربازدار قۇرمەتتى دەمالىسقا شىقتى.
قىزمەت بارىسىندا ولار وزدەرىنىڭ قىزمەتتىك مىندەتتەرىن ادال اتقاراتىن ورىنداۋشى، ءتارتىپتى قىزمەتكەر ەكەنىن كورسەتتى، دەپ حابارلايدى Almaty-akhamy.kz Polisia.kz-كە سىلتەمە جاساپ.
ءومىرىنىڭ ءبىر بولىگىن ىشكى ىستەر ورگاندارىندا قىزمەت ەتۋگە ارناعان ءىىو-نىڭ قۇرمەتتى ارداگەرى امانتاي كۇرەنبەكوۆ جقاج جاۋىنگەرلەرىنە العىس پەن قۇرمەتىن ءبىلدىردى. قىزمەتكەرلەرگە ادالدىعى، كاسىبيلىگى، ەرجۇرەكتىلىگى ءۇشىن العىسىن ايتىپ، زور دەنساۋلىق، سارقىلماس قۋات، وپتيميزم جانە رۋحاني جايلىلىق تىلەدى. سونداي-اق سپيكەر ارداگەرلەردىڭ تاجىريبەسى پوليسيا قىزمەتكەرلەرىنىڭ وسكەلەڭ ۇرپاعى ءۇشىن ۇلگى-ونەگە ەكەنىنە توقتالدى.
زەينەتكەرلىككە شىعارىپ سالۋدىڭ يگى ءداستۇرى قىزمەتكەرلەردىڭ بويىندا ادالدىق پەن ەڭبەكقورلىق، ەڭبەكسۇيگىشتىك پەن تاباندىلىق سياقتى قاسيەتتەردى نىعايتادى.