حقكو-دا كەيبىر قىزمەت تۇرلەرى كورسەتىلمەيدى

9-10 ماۋسىم حالىققا قىزمەت كورسەتۋ ورتالىقتارىندا تەحنيكالىق جۇمىستارعا بايلانىستى كەيبىر قىزمەتتەر كورسەتىلمەيدى.

بۇل تۋرالى «ازاماتتارعا ارنالعان ۇكىمەت» كورپوراسياسىنىڭ باسپا ءسوز قىزمەتى مالىمدەگەن، دەپ حابارلايدى Almaty-akshamy.kz.

«ىشكى ىستەر مينيسترىلىگىنىڭ اقپاراتتىق-وندىرىستىك ورتالىعى تەحنيكالىق جۇمىستار جۇرگىزىپ جاتىر. وسىعان بايلانىستى 9 ماۋسىم ساعات 14:00-دەن 10 ماۋسىم ساعات 18:00-گە دەيىن ەلىمىزدىڭ بۇكىل حالىققا قىزمەت كورسەتۋ ورتالىقتارىندا كەي قىزمەتتەردى الۋعا ءوتىنىم قابىلداۋ ۋاقىتشا توقتاتىلاتىنىن حابارلايمىز»، - دەلىنگەن حابارلامادا.

اقپاراتتا ايتىلعانداي، بۇگىن-ەرتەڭ مىنا قىزمەتتەر قولجەتىمسىز بولادى:

- قازاقستان رەسپۋبليكاسىندا ۋاقىتشا بولاتىن شەتەلدىكتەر مەن ازاماتتىعى جوق ادامدارعا جەكە سايكەستەندىرۋ ءنومىرىن قالىپتاستىرۋ جانە تۇزەتۋ؛

- ەڭبەك يمميگرانتى رەتىندە كوشىپ كەلۋشىگە رۇقسات بەرۋ، مەرزىمدى ۇزارتۋ جانە كەرى قايتارىپ الۋ؛

- قازاقستان رەسپۋبليكاسىندا ۋاقىتشا بولاتىن شەتەلدىكتەر مەن ازاماتتىعى جوق ادامدارعا ۋاقىتشا تۇرۋعا رۇقسات بەرۋ؛

- قازاقستان رەسپۋبليكاسىنان تىس جەرلەرگە تۇرۋعا قۇجات رەسىمدەۋ.