ەربولات دوسايەۆ الماتىدا اۋلا اۋماقتارىن اباتتاندىرۋعا قويىلاتىن تالاپتاردى قايتا قاراۋدى جانە ستاندارتتاردى ازىرلەۋدى تاپسىردى، دەپ حابارلايدى almaty-akshamy.kz
قالا نىساندارىن ارالاۋ بارىسىندا الماتى اكىمى اۋلا اۋماقتارىن كۇتىپ ۇستاۋ جانە ولارعا قىزمەت كورسەتۋ ماسەلەسىنە بەيىندى باسقارمالاردىڭ نازارىن اۋداردى.
ءتيىستى كۇتىمنىڭ بولماۋىنا بايلانىستى بالالار مەن سپورت الاڭدارىنىڭ قىزمەت ەتۋ مەرزىمى قىسقا. سونداي-اق، الماتى اكىمى ويىن ايماقتارى جابىندىلارىنىڭ ساپاسىنا نازار اۋداردى: جاقىندا پايدالانۋعا بەرىلگەن نىساندار (2021 ج.) قاناعاتتانعىسىز جاعدايعا جەتكەن.
ەربولات دوسايەۆ بەيىندى باسقارمالار مەن اۋدان اكىمدەرىنە، بالالار ويىن جانە سپورت ايماقتارىن سالۋ كەزىندە ولاردىڭ كوپ جىلدار بويى پايدالانىلۋىنا نازار اۋدارۋدى جانە ساپا ستاندارتتارىن ازىرلەۋدى تاپسىردى. سونىمەن قاتار، قالا باسشىسى اۋدان اكىمدىكتەرىنە اۋلالاردى عانا ەمەس، جاقىن ماڭداعى اۋماقتاردى مەردىگەرلەرمەن اباتتاندىرۋ ماسەلەسىن شەشۋ ءۇشىن قوسىمشا قاراجات ءبولۋدى تاپسىراتىنىن ايتتى.
