بۇگىن قازاقستان قۇراماسى چەحيا كومانداسىمەن وينايدى.
قازاقستاندىق جانكۇيەرلەر ەل قۇراماسىنا قولداۋ كورسەتۋ ماقساتىندا ريگادا ءوتىپ جاتقان حوككەيدەن ءاچ-2023-تە ۇلكەن تۋدى جايدى، دەپ حابارلايدى اlmaty-akshamy.kz.
بۇگىن، ياعني، 14 مامىردا، قازاقستان قۇراماسى حوككەيدەن الەم چەمپيوناتىندا چەحيا كومانداسىمەن وينايدى. ماچتى تىكەلەي ەفيردەن «Qazsport» ارناسى استانا ۋاقىتىمەن 23:20-دا كورسەتەدى.
جانكۇيەرلەر كوماندانى قولداۋعا كەلىپ، وزدەرىمەن بىرگە 800 شارشى مەترلىك قازاقستان تۋىن اكەلگەن.
«قازاقستان – الەمدەگى ەڭ ۇلكەن ەلدەردىڭ ءبىرى. مادەنيەتى دە باي. ءبىز مۋلتيمادەنيەتتى ەلمىز جانە ونى بۇكىل الەمگە كورسەتكىمىز كەلەدى. وزىمىزدەگى قازاقستاننىڭ ەڭ ۇلكەن تۋىن جايىپ، ۇلتتىق قۇراما مەن ونىڭ جانكۇيەرلەرىن قولداماقشىمىز»، - دەدى ۇيىمداستىرۋشى دۋمان قوجاحمەت.
سەنبىدە قازاقستان قۇراماسى حوككەيدەن الەم چەمپيوناتىندا ءبىرىنشى ماچ وتكىزىپ، نورۆەگيانى جەڭدى.