حوككەيدەن قازاقستان قۇراماسى فينليانديادا ءوتىپ جاتقان الەم چەمپيوناتىندا قاتارىنان ءۇشىنشى ماچتا ۇتىلدى، دەپ حابارلايدى almaty-akshamy.kz.
عالىم مامبەتالييەۆ شاكىرتتەرى ۆ توبىنىڭ ۇزدىگى سانالاتىن شۆەسيامەن كەزدەسىپ، جەڭىلىس تاپتى. ەسەپ - 1:3.
قازاقستان ساپىنان ءادىل بەكەتايەۆ 46-مينۋتتا كوزگە ءتۇستى. ال قارسىلاستار قۇرامىنان ماركۋس يوحانسسون (11-مينۋت)، لينۋس يوحانسسون (36-مينۋت) جانە فابيان زەتتەرلۋند (42-مينۋت) مەرگەندىگىمەن تانىلدى.
وسىلايشا، ءبىزدىڭ كوماندا كەزەكتى كەزدەسۋدە جەڭىلىپ وتىر. بۇعان دەيىن قازاقستاندىقتار فرانسيانى 3:1 ەسەبىمەن جەڭىپ، كەيىن سلوۆاكياعا 2:6، لاتۆياعا 0:2 ەسەبىمەن جول بەرگەن ەدى.
قازاقستان كومانداسى توپتاعى كەلەسى ويىندى 17 مامىر كۇنى گەرمانياعا قارسى وتكىزەدى.