ق ر ءىىم ۇلتتىق ۇلانى «وڭتۇستىك» وڭىرلىك قولباسشىلىعىنىڭ جاۋىنگەرلىك قارۋدان اتۋ بويىنشا جەكە كوماندالىق بىرىنشىلىگى شىمكەنتتەگى 6506 اسكەري ءبولىمىنىڭ “اقتاس” وقۋ ورتالىعىنىڭ بازاسىندا ءوتتى، دەپ حابارلايدى almaty-akshamy.kz.
«وڭتۇستىك» وڭىرلىك قولباسشىلىعىنىڭ دەنە شىنىقتىرۋ جانە سپورت باستىعى پودپولكوۆنيك سالاۋات تورەعالييەۆتىڭ جەتەكشىلىگىمەن وتكەن جارىسقا الماتى، شىمكەنت، تاراز، قىزىلوردا جانە تالدىقورعان قالالارىنان ۇلتتىق ۇلاننىڭ 50-دەن استام اسكەري قىزمەتشىسى قاتىستى. سونداي-اق، سايىستا اتىس قارۋىن اتۋ داعدىلارىن ايەل اسكەري قىزمەتشىلەر دە كورسەتتى.
جاتتىعۋلاردا ماكاروۆ تاپانشاسى، كالاشنيكوۆ اۆتوماتى جانە دراگۋنوۆتىڭ مەرگەندىك ۆينتوۆكاسى قولدانىلدى.
ەكى كۇندىك جارىستىڭ قورىتىندىسىندا ءبىرىنشى جالپى كوماندالىق ورىندى 5547 اسكەري ءبولىمىنىڭ كومانداسى (قىزىلوردا قالاسى)، ەكىنشى ورىندى 5513 اسكەري ءبولىمىنىڭ كومانداسى (تاراز قالاسى)، ال ءۇشىنشى ورىندى 6698 اسكەري ءبولىمىنىڭ كومانداسى (شىمكەنت قالاسى) يەلەندى.
“بۇل جارىستار اسكەري قىزمەتشىلەرگە وزدەرىنىڭ داعدىلارى مەن كاسىبيلىكتەرىن كورسەتۋگە مۇمكىندىك بەرىپ قانا قويماي، ۇلتتىق ۇلاننىڭ جاۋىنگەرلىك دايىندىعىن نىعايتۋعا سەپتىگىن تيگىزدى. بارلىق جەڭىمپازدى قۇتتىقتايمىن. ءبىز قارۋدى تەك وقۋ ماقساتىندا قولدانامىز دەپ ۇمىتتەنەمىن”، - دەدى “وڭتۇستىك” وڭىرلىك قولباسشىلىعى قولباسشىسىنىڭ ورىنباسارى پولكوۆنيك پاۆەل سيتنيكوۆ.