الماتى قالاسىنىڭ اكىمى ەربولات دوسايەۆ مەگاپوليستىڭ المالى اۋدانىنداعى جاڭا سكۆەردى اباتتاندىرۋ جوباسىن قاراپ شىقتى، دەپ حابارلايدى almaty-akshamy.kz.
قالا باسشىسى جەرگىلىكتى تۇرعىنداردىڭ ءوتىنىشى بويىنشا رايىمبەك – سەيفۋللين - تورەقۇلوۆ – مۇراتبايەۆ كوشەلەرىنىڭ ماڭىنداعى قيراعان نىسانداردىڭ ورنىنا جاڭا قوعامدىق كەڭىستىك قۇرۋدى تاپسىردى.
«التىن ساپا ALM» ج ش س ينۆەستورى سەيفۋللين داڭعىلى بويىنداعى ەكى ەسكى تۇرعىن ءۇيدى جانە بۇرىنعى تقق عيماراتىن بۇزعان. الەۋمەتتىك جاۋاپكەرشىلىك اياسىندا ينۆەستور ءوز ەسەبىنەن سەيفۋللين داڭعىلى مەن مامەتوۆا كوشەسىنىڭ قيىلىسىندا اۋدانى 0،30 گا جاڭا سكۆەردى اباتتاندىرادى.
المالى اۋدانىنىڭ اكىمى ارمان شامشين قازىرگى ۋاقىتتا سكۆەر پايدا بولاتىن ۋچاسكەدە قالانىڭ جەر قاتىناستارى باسقارماسى 35 مەنشىك يەسىنىڭ 16 - نان جىلجىمايتىن مۇلىك ساتىپ العانىن باياندادى. قۇرىلىس جۇمىستارى جىلجىمايتىن مۇلىك بارلىق مەنشىك يەلەرىنەن ساتىپ الىنعاننان كەيىن اعىمداعى جىلدىڭ قازان ايىنا جوسپارلانعان.
باياندامانى تىڭداعان قالا باسشىسى بەلگىلەنگەن جوسپارعا سايكەس جۇمىستى جالعاستىرۋدى تاپسىردى.
ايتا كەتەرلىگى، الماتىدا ەسەنتاي، ۇلكەن الماتى وزەندەرىنىڭ بويىنداعى جاعالاۋلارعا رەكونسترۋكسيا جۇرگىزىلەدى. پۋشكين كوشەسى بويىمەن گوگول كوشەسىنەن رايىمبەك باتىر داڭعىلىنا دەيىنگى ۇزىندىعى 1،1 كم جاياۋ جۇرگىنشىلەر ايماعىن اباتتاندىرۋ جوسپارلانۋدا.