پيراميدانىڭ قۇپيا ەسىكتەرى اشىلادى.
بۇگىن ارحەولوگتار حەوپس پيراميداسىنان تابىلعان ءۇش قۇپيا ەسىكتى اشادى، دەپ حابارلايدى Almaty-akshamy.kz
بۇل تۋرالى ۇلىبريتانيانىڭ The Sun گازەتىنە بەرگەن سۇحباتىندا مىسىردىڭ كونە جادىگەرلەر جونىندەگى بۇرىنعى مەملەكەتتىك ءمينيسترى، قازىرگى جەتەكشى ارحەولوگى زاحي حاۆاس ايتتى.
ونىڭ ايتۋىنشا، قۇپيا ەسىكتەردىڭ ءبىرى بەيىتتىڭ ەكىنشى كامەراسىنىڭ وڭتۇستىك كىرەبەرىسىنە جاقىن جەردە ورنالاسقان. ونىڭ ەكى مىس تۇتقاسى بار. وسى ەسىكتىڭ ارتىندا تاعى ءبىر ەسىك بار. ال ءۇشىنشى ەسىك سولتۇستىك تۋننەلدە ورنالاسقان. بۇل ەسىك سيممەتريا ءۇشىن تۋننەلدىڭ ارتىندا جاسىرىلعان بولۋى مۇمكىن.
ەگەر جۇمباق ەسىكتەر اشىلسا بۇل ۇلكەن جاڭالىق بولادى. ويتكەنى، تابىلعان ەسىكتەردىڭ اينالاسى بىرنەشە رەت زەرتتەلگەنىمەن ولاردىڭ ارتىندا نە جاسىرىلعانى تۋرالى ەشكىم ەشتەڭە بىلمەيدى، – دەدى ول.
بۇگىن عالىمدار بارلىق ەسىك اشىلسا حەوپس پيراميداسىنىڭ قۇپياسى تولىعىمەن اشىلادى دەپ وتىر.