قالا تۇرعىندارى ءۇشىن بيىل ءۇش مىڭنان استام سپورتتىق-بۇقارالىق ءىس-شارالار وتكىزىلدى.
ايتا كەتەيىك، الماتى تۇرعىندارى تەك بۇقارالىق سپورتتا عانا ەمەس، كاسىبي سپورت تۇرلەرىندە دە ەرەكشەلەندى. الماتى سپورتشىلارى رەسپۋبليكا قۇراماسىنىڭ 30%-ىن قۇرادى - 772 ادام. بۇل دەرەكتەردى وكق بريفينگى بارىسىندا الماتى قالاسى اكىمىنىڭ ورىنباسارى ارمان قىرىقبايەۆ كەلتىردى، دەپ حابارلايدى Almaty-akshamy.kz.
مالىمدەلگەندەي، الماتىدا ءارتۇرلى مەنشىك تۇرىندەگى 3 703 سپورت نىسانى جۇمىس ىستەيدى. بۇگىنگى تاڭدا حالىقتىڭ سپورتتىق ينفراقۇرىلىممەن قامتاماسىز ەتىلۋى 72،5% -دى قۇرايدى.
«سونىمەن قاتار، «الماتى قالاسىن دامىتۋدىڭ 2025 جىلعا دەيىنگى باعدارلاماسى جانە 2030 جىلعا دەيىنگى ورتا مەرزىمدى پەرسپەكتيۆالار» باعدارلاماسىن ىسكە اسىرۋ شەڭبەرىندە جاڭا سپورت نىساندارىن اشۋ مەن جۇمىس ىستەپ تۇرعان سپورت نىساندارىن جاڭعىرتۋدى، ونىڭ ىشىندە جىل سايىن 3 دەنە شىنىقتىرۋ-ساۋىقتىرۋ كەشەندەرىن سالۋدى قامتيتىن قالانىڭ سپورتتىق ينفراقۇرىلىمىن جاقسارتۋ جونىندە شارالار قابىلداۋ كوزدەلگەن»،-دەپ حابارلادى ارمان قىرىقبايەۆ.
بۇگىندە قالادا جەتىسۋ اۋدانىنىڭ كەمەل، اينابۇلاق جانە قۇلاگەر شاعىن اۋداندارىندا ءۇش دشسك جۇمىس ىستەيدى. بيىلعى جىلى جەكە قاراجات ەسەبىنەن ناۋرىز ايىندا بوستاندىق اۋدانىندا «چەمپيون» سپورت كەشەنى اشىلدى. وسى جىلدىڭ سوڭىنا دەيىن زەردەلى، جاس قانات جانە الاتاۋ شاعىن اۋداندارىندا تاعى ءۇش دشسك ىسكە قوسىلادى.
بارلىق كەشەندەر كوپ فۋنكسيالى بولىپ تابىلادى، وندا ويىن سپورت تۇرلەرىنە، جەكپە-جەككە جانە سۋ سپورتىنا ارنالعان امبەباپ زال ورنالاسقان، سونداي-اق ولار دەنە مۇمكىندىكتەرى شەكتەۋلى ادامدارعا بەيىمدەلگەن.
الماتى اكىمىنىڭ ورىنباسارى بۇگىنگى تاڭدا اقجار، شۇعىلا، سايالى شاعىن اۋداندارىندا جانە اۆياتور ستاديونىندا تاعى ءتورت دشسك جوبالىق-سمەتالىق قۇجاتتاما ازىرلەنىپ جاتقانىن حابارلادى. رايىمبەك داڭعىلى بويىنشا مۇمكىندىگى شەكتەۋلى جاندارعا ارنالعان سپورت ورتالىعىنىڭ جسق دايىندالۋدا.
بۇدان باسقا، «ورتالىق ستاديوندى»، «مەدەۋ» سك مۇز ايدىنىن جاڭعىرتۋ جانە 5000 ورىندىق جەڭىل اتلەتيكالىق مانەج سالۋ بويىنشا جۇمىستار جۇرگىزىلۋدە.
الماتى اكىمىنىڭ ورىنباسارى ارمان قىرىقبايەۆ بۇقارالىق جانە جوعارى جەتىستىكتەر سپورتىنىڭ دامۋىنا توقتالدى. مىسالى، ي2023 جىلى 3 مىڭعا جۋىق، ونىڭ ىشىندە 35 ءىرى حالىقارالىق، سپورتتىق-بۇقارالىق ءىس-شارا وتكىزىلدى. ولاردىڭ اراسىندا: شاحماتتان ازيا چەمپيوناتى، FIBA 3*3 Asia Zone Qualification، الماتى مارافونى، ەستەتيكالىق توپتىق گيمناستيكادان الەم چەمپيوناتى، كيوكۋشينكاي-كان كاراتەدەن الەم چەمپيوناتى، سەمسەرلەسۋدەن ازيا چەمپيوناتى جانە ت.ب.
بيىلعى جىلى الماتىلىق سپورتشىلار 373 مەدال جەڭىپ الدى، ق ر IV قىسقى جاستار ويىندارىندا جانە ق ر VI جازعى سپارتاكياداسىندا جالپى كوماندالىق ەسەپتى ءبىرىنشىورىندى سەنىمدى يەلەندى. حانچجوۋدا وتكەن ازيا ويىندارىندا ءبىزدىڭ سپورتشىلار 26 مەدال جەڭىپ الدى (1 – التىن، 4 – كۇمىس، 21 – قولا). بۇل قازاقستاننىڭ باسقا وڭىرلەرىمەن سالىستىرعاندا ەكىنشى كورسەتكىش.
ارمان قىرىقبايەۆ تاۋەلسىز قازاقستان تاريحىندا العاش رەت الماتى اتىنان قاتىسقان ەركىن كۇرەسكەر ايتمۇحان ريزابەك الەم چەمپيوناتىنىڭ التىن مەدالىن جەڭىپ العانىن اتاپ ءوتتى.