الماتىدا بالالاردىڭ جەرگىلىكتى بيۋدجەت ەسەبىنەن تولەنەتىن 2500-دەن استام سەكسيالار مەن ۇيىرمەلەرگە قاتىسۋ مۇمكىندىگى بار.
بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە الماتى قالاسى اكىمىنىڭ ورىنباسارى ارمان قىرىقبايەۆ مالىمدەدى، دەپ حابارلايدى اlmaty-akshamy.kz.
بيىل الماتى قالاسىندا مەملەكەتتىك شىعارماشىلىق جانە سپورتتىق تاپسىرىستى ىسكە اسىرۋعا جەرگىلىكتى بيۋدجەتتەن 16،2 ملرد.تەڭگە ءبولىندى.
ورتالىقسىزداندىرۋ شەڭبەرىندە 2023 جىلعى 1 ساۋىردەن باستاپ مەملەكەتتىك شىعارماشىلىق جانە سپورتتىق تاپسىرىستاردى ورنالاستىرۋ جانە قارجىلاندىرۋ فۋنكسيالارى اۋدان اكىمدىكتەرىنىڭ قۇزىرەتىنە بەرىلدى.
مەملەكەتتىك ورگان جۇمىسىنىڭ قۇرىلىمىنا ەنگىزىلەتىن وزگەرىستەر بالالاردىڭ قالا اۋداندارى بويىنشا قاجەتتىلىكتەرىنە ناقتى تالداۋ جاساۋعا، قالا اۋداندارىنىڭ ينفراقۇرىلىمىن دامىتۋدى ايقىنداۋعا، سونداي-اق كورسەتىلەتىن قىزمەتتەردىڭ ساپاسىن باقىلاۋعا ىقپال ەتەدى.