حەلگا شميد استانا حالىقارالىق فورۋمىنا قاتىسۋعا شاقىرعانى ءۇشىن قاسىم-جومارت توقايەۆقا العىس ايتتى، دەپ حابارلايدى Almaty-akshamy.kz.
– دۇرىس ايتاسىز. ءقازىر كۇردەلى كەزەڭ دەپ ويلايمىن. قيىندىقتارعا قاراماستان، ەقىۇ بىرەگەي ديالوگ الاڭى رەتىندە قىزمەتىن جالعاستىرا بەرەدى. سونداي-اق قازاقستاننىڭ ەۋروپاداعى قاۋىپسىزدىك جانە ىنتىماقتاستىق ۇيىمىنداعى بەلسەندى ءرولىن وڭ باعالايمىن. ءسىز استانا ءسامميتى تۋرالى ايتىپ ءوتتىڭىز. مەن ول جيىنعا قاتىستىم. دۇرىس ايتاسىز، بۇل سوڭعى سامميت بولدى. استانا دەكلاراسياسى، شىن مانىندە، ۇيىمنىڭ قىزمەتىن رەتتەيتىن ماڭىزدى قۇجاتتاردىڭ ءبىرى. مەن استانا فورۋمىندا سويلەيتىن ءسوزىڭىزدى اسىعا كۇتەمىن. ءقازىر مامىلەگە كەلۋ ءۇشىن ءبىر-بىرىمىزدىڭ پىكىرىمىزگە قۇلاق اسۋ وتە ماڭىزدى دەپ ويلايمىن. ەقىۇ-نىڭ نەگىزى مىندەتى دە – وسى، – دەدى ەقىۇ باس حاتشىسى.
كەزدەسۋدە قازاقستان مەن ەقىۇ اراسىنداعى ىنتىماقتاستىقتىڭ قازىرگى جاي-كۇيى مەن ونىڭ دامۋ پەرسپەكتيۆالارى تالقىلاندى. سونداي-اق ايماقتىق جانە جاھاندىق كۇن تارتىبىندەگى وزەكتى ماسەلەلەر قاراستىرىلدى.