قازاقستان رەسپۋبليكاسى توتەنشە جاعدايلار مينيسترلىگى قازاقستان رەسپۋبليكاسىنىڭ اۋماعىنداعى كەزەكشىلىك-ديسپەچەرلىك قىزمەتتەردىڭ قىزمەتىن ۇيلەستىرۋ قاعيدالارىن جانە اۋماعىندا ءبىرىڭعاي كەزەكشى-ديسپەچەرلىك «112» قىزمەتىنىڭ وكىلەتتىگىن بەكىتىپ، ادىلەت ورگاندارىندا تىركەدى.
بۇل قۇجات ازاماتتىق قورعاۋ جۇيەسىنىڭ تيىمدىلىگىن ارتتىرۋعا جانە حالىقتىڭ قاۋىپسىزدىگىن قامتاماسىز ەتۋگە باعىتتالعان، - دەپ حابارلايدى Aqshamnews.kz.
جاڭا رەداكسيا قازاقستان رەسپۋبليكاسى ۇكىمەتىنىڭ 2020 جىلعى 23 قازانداعى №701 قاۋلىسىمەن بەكىتىلگەن توتەنشە جاعدايلار مينيسترلىگى تۋرالى ەرەجەنىڭ 16-تارماعىنىڭ 69) تارماقشاسىنا سايكەس ازىرلەندى.
قۇجات بكدق باسقارمالارىن، ءىىم پوليسيا كەزەكشى بولىمشەلەرىن، جەدەل مەديسينالىق جاردەم مەن سانيتارلىق اۆياسيانىڭ ديسپەچەرلىك قىزمەتتەردى، ۇلتتىق قاۋىپسىزدىك كوميتەتىنىڭ قىزمەتتەرى، اۋە كەمەلەرىن ىزدەستىرۋ جانە قۇتقارۋ ورتالىعىن، كوممۋنالدىق اپاتتىق قىزمەتتەر مەن بايلانىس وپەراتورلارىنىڭ انىقتاما قىزمەتتەرىن قوسا العاندا ءبىرىڭعاي كەزەكشىلىك جانە جەدەل قىزمەتتەردىڭ ءوزارا ءىس-قيمىل ءتارتىبىن بەلگىلەيدى.
بارلىق اتالعان قۇرىلىمدار توتەنشە جاعدايلارعا، ازاماتتاردىڭ ءومىرى مەن دەنساۋلىعىنا تونەتىن قاتەرلەرگە جەدەل دەن قويۋ ماقساتىندا تىعىز ۇيلەسىمدىلىكپەن جۇمىس ىستەيدى. بۇل اقپاراتتىڭ جەدەل جەتكىزىلۋىن، ءىس-قيمىلداردىڭ كەلىسىمدىلىگىن جانە قاجەتتى رەسۋرستاردىڭ 112 ءبىرىڭعاي ءنومىرى ارقىلى باعىتتالۋىن قامتاماسىز ەتەدى.
توتەنشە جاعدايلار تۋىنداعان كەزدە بكدق باسقارمالارى ءوزارا ءىس-قيمىل جاسايتىن بارلىق قىزمەتتەردىڭ ارەكەتتەرىن ۇيلەستىرەدى. وسى ماقساتتا ولار مۇددەلى مەملەكەتتىك ورگانداردىڭ اقپاراتتىق جۇيەلەرىمەن ينتەگراسيالانعان جانە وڭىرلەردەگى قولدانىستاعى بايلانىس ينفراقۇرىلىمىن پايدالانادى.
ءوزارا ءىس-قيمىل ءۇش نەگىزگى رەجيمدە ۇيىمداستىرىلعان: كۇندەلىكتى قىزمەت – دايىندىقتى قامتاماسىز ەتۋ جانە اقپارات الماسۋ؛ جوعارى ازىرلىك رەجيمى – كۇشەيتىلگەن مونيتورينگ پەن رەسۋرستاردى ازىرلەۋ؛ توتەنشە جاعداي رەجيمى – جەدەل دەن قويۋ، باسقارۋ جانە قاجەتتى كۇشتەر مەن قۇرالداردى جىبەرۋ.
ەنگىزىلگەن وزگەرىستەر قازاقستان رەسپۋبليكاسىنىڭ بارلىق اۋماعىندا جەدەل دەن قويۋ جۇيەسىنىڭ تيىمدىلىگىن جانە حالىقتىڭ قاۋىپسىزدىگىن ارتتىرۋعا باعىتتالعان.