«حالىقتىڭ قاتىسۋ بيۋدجەتى» جوبا اياسىندا بوستاندىق اۋدانىنا بولىنەتىن قاراجات كولەمى ءوستى

766 ملن تەڭگەگە دەيىن ۇلعايدى.

ۇستىمىزدەگى جىلى «حالىقتىڭ قاتىسۋ بيۋدجەتى» جوبا بويىنشا الماتىنىڭ بوستاندىق اۋدانىنا بولىنەتىن قاراجات كولەمى ءوستى. سەبەبى بوستاندىق اۋدانى تۇرعىندارىنىڭ ۇسىنىستارى بويىنشا 21 جوبا ىرىكتەلدى. بۇل تۋرالى قالا اكىمى ەربولات دوسايەۆ حالىقپەن بولعان كەزدەسۋ بارىسىندا ايتتى، دەپ حابارلايدى Almaty-akshamy.kz.

جايلىلىقتى دامىتۋ جانە قالانى اباتتاندىرۋدى جاقسارتۋ ءۇشىن 2019 جىلدان باستاپ الماتىدا «حالىقتىڭ قاتىسۋ بيۋدجەتى» جوباسى ىسكە اسىرىلۋدا. 

بيىل بۇل جوبا بويىنشا بوستاندىق اۋدانى ءۇشىن قارجىلاندىرۋ كولەمى 58%-عا 766 ملن تەڭگەگە دەيىن ۇلعايدى (2021 جىلى 483،8 ملن تەڭگە). 

«بوستاندىق اۋدانى تۇرعىندارىنىڭ ۇسىنىستارى بويىنشا 21 جوبا ىرىكتەلدى. وندا بالالار جانە سپورت الاڭدارىن، گاگارين، ماسانچي، بۇقار جىراۋ گۇلزارلارىن، قازاق مەملەكەتتىك سيركى جانە قازاق مەملەكەتتىك ۋنيۆەرسيتەتى، №10 مەكتەپ جانىنداعى تىنىمباقتاردى، تيميريازيەۆ كوشەسىندەگى جاياۋ جۇرگىنشىلەر ايماعىن، جاسىل ايماقتاردى سۋارۋ قۇبىرلارىن اعىمداعى جوندەۋ كوزدەلگەن»،- دەدى ەربولات دوسايەۆ كەزدەسۋ بارىسىندا.