وزەكتى ماسەلە.
الماتى اكىمى ەربولات دوسايەۆ بوستاندىق اۋدانىنداعى اۋىز سۋ ماسەلەسىن قالاي شەشىلەتىنى تۋرالى ايتتى، دەپ حابارلايدى Almaty-akshmy.kz.
«وسى ماسەلەنى تۇبەگەيلى شەشۋ ءۇشىن 2022 جىلدىڭ سوڭىنا دەيىن «ەرمەنساي» سۋ قابىلداعىشىنىڭ جوبالاۋ-سمەتالىق قۇجاتتاماسىن ازىرلەۋ اياقتالادى جانە مەملەكەتتىك ساراپتامادان وتەدى (ونىمدىلىگى تاۋلىگىنە 9 مىڭ تەكشە مەتر). 2023 جىلى سۋ قابىلداعىشتىڭ قۇرىلىسىنا قارجى ءبولۋ ءۇشىن اكىمدىك ق ر ۇكىمەتىنە ءوتىنىش جاساۋعا نيەتتى. وسى جوبانى ىسكە اسىرۋ ءال-فارابي داڭعىلىنان جوعارى تۇراتىن 20 مىڭ حالىقتى ساپالى سۋمەن تولىق قامتاماسىز ەتەدى»، - دەدى قالا اكىمى حالىقپەن وتكەن كەزدەسۋ بارىسىندا.
ماماندار ءال-فارابي داڭعىلىنىڭ وڭتۇستىگىن ساپالى اۋىز سۋمەن قامتاماسىز ەتۋ ماسەلەسى وزەكتى بولىپ وتىرعانىن ايتادى.
بۇگىندە وسى اۋماقتى 5 جەكە كومپانيا سۋمەن جابدىقتايدى («ورحان»، «ەرمەنسايۆودگاز»، «سەرۆيس تاۋ سۋ»، «اقسۋ»، «تاۋ سۋ قىزمەت» ج ش س)، ونىڭ 3-ەۋى تەحنيكالىق سۋدى كاسكاد ستانسياسىنان الادى.