تايلاندتىڭ پحۋكەت قالاسىندا قالاسىندا ءوتىپ جاتقان Thailand Open-2022 تۋرنيرىندە قازاقستاندىق ءۇش بوكسشى فينالعا جولداما الدى.
حالىقارالىق تۋرنيردە 91 كەلىدە قوس قازاقستاندىق بوكسشى قولعاپ ءتۇيىستىردى. ناتيجەسىندە نۇربەك ورالباي وتانداسى ساعىندىق توعامبايدىڭ وسال تۇسىن تاۋىپ، فينالعا جولداما الدى، دەپ حابارلايدى Almaty-akshamy.kz
ال 57 كەلىدە سەرىك تەمىرجانوۆ جارتىلاي فينالدا تايلاندتىق رۋدجاكران دجۋنترونگتى 3:2 ەسەبىمەن تىزە بۇكتىردى.
سونداي-اق، 75 كەلىدە اياتۋللا تاكىجانوۆ جارتىلاي فينالدا قاراسىلاسىنا ەسە جىبەرىپ، جارىستىڭ قولا جۇلدەسىن مىسە تۇتتى. ەندى كەشكى سەسسيادا ءۇش بوكسشىمىز جارىس جولىنا شىعادى. ونىڭ ەكەۋى 63 كەلى سالماقتا ءوزارا سىنعا تۇسەدى. اتالعان سالماقتا ءساناتالي تولتايەۆ پەن سۇلتان مۋسينوۆ كەزدەسەدى.
تاعى ءبىر قازاقستاندىق اسلانبەك شىمبەرگەنوۆ (69 كەلى) تايلاندتىق اتيچاي فومساپپەن فينال جولداماسىن ساراپقا سالادى.