قالادا بەينەكامەرالاردىڭ كومەگىمەن 1،5 مىڭ قىلمىس اشىلىپ، 800 مىڭ اكىمشىلىك قۇقىقبۇزۋشىلىق انىقتالدى.
پوليسيا دەپارتامەنتىنىڭ باستىعى قانات تايمەردەنوۆتىڭ ايتۋىنشا، جاڭا تەحنولوگيالار قىلمىستى ازايتۋعا وڭ اسەرىن تيگىزۋدە، دەپ حابارلايدى Almaty-akshamy.kz
«جەدەل باسقارۋ ورتالىعىنا قوسىلعان 12 مىڭ كامەرانىڭ كومەگىمەن وتكەن جىلى 1،5 مىڭ قىلمىس اشىلدى، 800 مىڭ اكىمشىلىك قۇقىقبۇزۋشىلىق انىقتالدى. قالا اكىمىنىڭ قولداۋىمەن بيىل تاعى 3 مىڭ بەينەباقىلاۋ كامەراسى ورناتىلادى. ولاردىڭ كوپشىلىگى اۋلالاردى، ساياباقتاردى، الاڭداردى جانە باسقا دا ادامدار جاپپاي شوعىرلاناتىن ورىنداردى قامتيدى»، – دەدى ق.تايمەردەنوۆ.