حالىقارالىق تەننيس فەدەراسياسى رەسەي مەن بەلارۋستى كوماندالىق جارىستان الىپ تاستادى

2022 جىلعى كرەمل كۋبوگى وتپەيدى

حالىقارالىق تەننيس فەدەراسياسى (ITF) ۋكرايناداعى سوعىس قيمىلدارىنا بايلانىستى رەسەي مەن بەلارۋستى كوماندالىق جارىستاردان جانە ITF مۇشەلىگىنەن شەتتەتتى، دەپ حابارلايدى اlmaty-akshamy.kz Prosports.kz. سىلتەمە جاساپ.

«حالىقارالىق تەننيس فەدەراسياسى (ITF) رەسەيدىڭ ۋكرايناعا باسىپ كىرۋىن جانە بەلارۋستىڭ وعان كومەكتەسۋىن ايىپتايدى. وسى ەلدەردەگى بارلىق ITF ءىس-شارالارىنان باس تارتۋمەن قاتار، ITF كەڭەسى رەسەي تەننيس فەدەراسياسى (RTF) مەن بەلارۋس تەننيس فەدەراسياسىنىڭ (BTF) ITF-كە مۇشەلىگىن جانە كەلەسى ەسكەرتۋگە دەيىن حالىقارالىق ITF كوماندالىق جارىستارىنا قاتىسۋىن دەرەۋ توقتاتقانىن حابارلايدى. ITF ۋكراينا تەننيس فەدەراسياسىمەن تىعىز بايلانىستا جانە ۋكراينا حالقىمەن ىنتىماقتاستىعىن بىلدىرەدى»، - دەپ جازادى ITF رەسمي سايتى.

دەگەنمەن، بۇل ەلدەردىڭ سپورتشىلارىنا تۋرلارعا جەكە قاتىسۋعا تىيىم سالىنبايدى. توقتاتۋ شەكسىز ۋاقىتقا سوزىلادى، ءبىراق رەسەي مەن بەلارۋس جارىستان شىعىپ، ITF 2022 حالىقارالىق كوماندالىق جارىستارىنىڭ بارلىعىنا قاتىسۋعا قۇقىعى جوق.

رەسەي جانە بەلارۋس كوماندالارى 2022 جىلى كەلەسى جارىستارعا قاتىسا المايدى: ديەۆيس كۋبوگى جانە بيللي جان كينگ كۋبوگى، كوماندالار اراسىنداعى الەم چەمپيوناتى (مۇگەدەكتەر)، تەننيستەن ەۋروپانىڭ جازعى كۋبوگى، كوماندالىق الەم چەمپيوناتى (جاعاجاي).