ەڭ كوپ جالاقى الاتىن فۋتبولشىلار ءتىزىمى جاريالاندى

سوڭعى ءۇش جىل بويى ەڭ كوپ جالاقى الاتىن فۋتبولشى اتانىپ جۇرگەن ليونەل مەسسيدى بۇل تىزىمدە باسىپ وزعاندار بار

امەريكانىڭ Forbes قارجى-ەكونوميكالىق جۋرنالى 2021 جىلدىڭ ەڭ كوپ جالاقى الاتىن فۋتبولشىلارىنىڭ ءتىزىمىن جاريالادى، دەپ حابارلايدى Almaty-akshamy.kz 24.kz-كە سىلتەمە جاساپ. 

Forbes رەيتينگىندە مەسسيدى پورتۋگالدىق شابۋىلشى كريشتيانۋ رونالدۋ باسىپ وزدى. «مانچەستەر يۋنايتەد» فۋتبول كلۋبىنا «يۋۆەنتۋس» كلۋبىنان اۋىسقان كريشتيانۋ رونالدۋ ءبىر جىل ىشىندە سالىقتان تىس 125 ميلليون دوللار تابىس تاپقان. سونىمەن بىرگە، ول «مانچەستەر يۋنايتەدكە» اۋىسقانى ءۇشىن كلۋبتان 70 ميلليون دوللار جالاقى مەن ۇستەمەاقى الدى. ال قالعان سومانى سەرىكتەستىك باعدارلامالار مەن Nike، Herbalife، Clear جانە ءوزىنىڭ كاسىبى – ءاتىر، ءىش كيىم، كوزىلدىرىك جانە باسقا دا تاۋارلاردى ساتۋ ارقىلى تاپتى.

كەيىنگى ءۇش جىلدا العاش رەت «پاري سەن-جەرمەن» (پسج) فۋتبولشىسى ليونەل مەسسي ەكىنشى ورىندى يەلەندى. Forbes نۇسقاسى بويىنشا، ول ءبىر جىلدا 110 ميلليون دوللار تابىس تاپقان. ونىڭ 75 ميلليون دوللارى  جالاقىسى. فۋتبولشى فرانسۋز كلۋبىنا اۋىسقانى ءۇشىن العان سىيلىقتىڭ ءبىر بولىگى وعان كريپتوۆاليۋتامەن تولەنگەن. ارگەنتينالىق شابۋىلشى قالعان تابىسىن Adidas، Pepsi، Jacobs & Co جانە Budweiser ساعاتتارىمەن 35 ميلليون دوللارلىق جارنامالىق كەلىسىم جاساعان.

ەڭ كوپ جالاقى الاتىن توپ-10 فۋتبولشى:

رونالدۋ – 125 ملن دوللار؛

مەسسي – 110 ملن؛

نەيمار  – 95 ملن؛

كيليان مباپپە 43 ملن؛

موحاممەد سالاح – 41 ملن؛

روبەرت ليەۆاندوۆسكي – 35 ملن؛

اندرەس ينەستا – 35 ملن؛

پول پوگبا – 34 ملن؛

گارەت بەيل – 32 ملن؛

ەدەن ازار – 29 ملن.

بۇعان دەيىن UFC  جەكپە-جەك شەبەرى كونور ماكگرەگور Forbes جۋرنالى بويىنشا ەڭ كوپ جالاقى الاتىن سپورتشىلاردىڭ ءتىزىمىن باستاعان بولاتىن.