حالىقارالىق وليمپيادادان قازاقستان قۇراماسى ءتورت مەدال الدى

ءبىلىم بايگەسىنە الەمنىڭ 16 ەلىنەن 130 جاس عالىم قاتىسقان.

قازاقستان قۇراماسى حيميا پانىنەن ءال-بيرۋني اتىنداعى حالىقارالىق وليمپيادادا ءتورت مەدال جەڭىپ الدى، دەپ حابارلايدى Almaty-akshamy.kz

وقۋ-اعارتۋ مينيسترلىگىنىڭ مالىمەتىنشە، وزبەكستان رەسپۋبليكاسىنىڭ حيۋا قالاسىندا وتكەن ءابۋ رايحان ءال-بيرۋني اتىنداعى حيميا پانىنەن حالىقارالىق وليمپياداعا الەمنىڭ 16 ەلىنەن 130 جاس عالىم قاتىستى. قازاقستان ۇلتتىق كومانداسىنىڭ قۇرامىنا حيميا پانىنەن حالىقارالىق مەندەلەيەۆ وليمپياداسىنىڭ 4 جۇلدەگەرى ەنگەن بولاتىن. تورتەۋى دە ءال-بيرۋني اتىنداعى وليمپيادا جۇلدەگەرى اتاندى.

ولار:

ءادىلجان مولداعۇلوۆ— ماڭعىستاۋ وبلىسىنىڭ «ءبىلىم-يننوۆاسيا» ليسەي-ينتەرناتىنىڭ 10 سىنىپ وقۋشىسى؛

دياس قورشىبەك — جامبىل وبلىسىنىڭ دارىندى ەر بالالارعا ارنالعان «ءبىلىم-يننوۆاسيا» ليسەي-ينتەرناتىنىڭ 10 سىنىپ وقۋشىسى؛

ءاليحان سمەت — استانا قالاسىنىڭ دارىندى ەر بالالارعا ارنالعان «ءبىلىم-يننوۆاسيا» ليسەي-ينتەرناتىنىڭ 11 سىنىپ وقۋشىسى؛

ينسار يماش — الماتى قالاسىنداعى Haileybury Almaty مەكتەبىنىڭ 11 سىنىپ وقۋشىسى.

ايتا كەتسەك، ءابۋ رايحان ءال-بيرۋني اتىنداعى حالىقارالىق وليمپيادا وزبەكستاندا العاش رەت ۇيىمداستىرىلدى. وليمپيادا ەكى كەزەڭ بويىنشا ءوتتى. قاتىسۋشىلاردىڭ ءبىلىمى مەن الەۋەتى جازباشا جانە پراكتيكالىق زەرتحانالىق جۇمىستارمەن باعالاندى.