الماتىدا اۋىز سۋ قىمباتتايدى

قالامىزدا سوڭعى رەت سۋ جانە كارىز قىزمەتتەرىنىڭ تاريفتەرى 2014 جىلى كوتەرىلگەن.

ءقازىر جاڭادان تاريف بەكىتىلمەك، دەپ حابارلايدى Almaty-akshamy.kz

قالاعا جەتكىزىلەتىن سۋدىڭ 70%-ى – تەرەڭدىگى 150-دەن 500 مەترگە دەيىنگى 386 ارتەزيان ۇڭعىماسىنان الىناتىن جەراستى سۋلارى. ودان بولەك، ۇلكەن جانە كىشى الماتى، اقساي جانە قاراعايلى وزەندەرىنەن دە سۋ الىنادى.

«الماتى قالاسىنداعى سۋمەن جابدىقتاۋ جانە سۋ بۇرۋعا بەكىتىلگەن تاريفتەر ەلىمىزدەگى ەڭ تومەنگى باعا  سانالادى. تۇتىنۋشىلار ءۇشىن 1 تەكشە مەتر سۋدىڭ قۇنى 48 تەڭگە. سوڭعى رەت الماتىدا سۋ جانە كارىز قىزمەتتەرىنىڭ تاريفتەرى 2014 جىلى كوتەرىلگەن، ول كەزدە سۋدىڭ 1 تەكشە مەترىنە  55 تەڭگە مولشەرىندەگى تاريف دەڭگەيى بەلگىلەنگەن، 9 جىل ىشىندە سۋدىڭ  تاريف دەڭگەيى تەك تومەندەتىلىپ كەلگەن»،  - دەپ حابارلادى مەكەمەنىڭ باسپا ءسوز قىزمەتى.

ءقازىر جاڭادان تاريف بەكىتىلمەك.

مەكەمە تاريفتەردى ينۆەستيسيالارعا ايىرباستاۋ» قاعيداتى بويىنشا تاريفتەردى ەنگىزەدى. ول  ينجەنەرلىك جەلىلەرگە قىزمەت كورسەتۋ جانە اۋىستىرۋ ءۇشىن كوبىرەك قاراجات جيناقتاۋعا جانە كورسەتىلەتىن قىزمەتتەردىڭ ساپاسىن ارتتىرۋعا مۇمكىندىك بەرەدى. ءارى مامانداردىڭ  جالاقىلارىن  كەزەڭ-كەزەڭىمەن ارتتىرۋ جوسپارلانعان.