بۇگىن سەناتتا مادەنيەت، ءبىلىم بەرۋ جانە تالىمگەرلىك ماسەلەلەرى تۋرالى زاڭ قارالدى.
زاڭناماعا جەتىم جانە اتا-اناسىنىڭ قامقورلىعىنسىز قالعان بالالارعا ارنالعان تالىمگەرلىك ينستيتۋتىن رەتتەۋ ءۇشىن «تالىمگەرلىك جونىندەگى ۇيىم» ۇعىمى ەنگىزىلەدى، دەپ حابارلايدى aqshamnews.kz.
سەنات سپيكەرى ماۋلەن اشىمبايەۆ زاڭدا دارىندى وقۋشىلاردى مەملەكەتتىك قولداۋ جانە ولاردىڭ عىلىمي قىزمەتىن ىنتالاندىرۋ ءۇشىن حالىقارالىق عىلىمي جوبالار كونكۋرستارىنىڭ جەڭىمپازدارى مەن جۇلدەگەرلەرىنە كونكۋرستان تىس مەملەكەتتىك ءبىلىم گرانتتارىن بەرۋ جونىندەگى نورما دا بار ەكەنىن اتاپ ءوتتى.
«بولاشاق» باعدارلاماسىنا باكالاۆريات دارەجەسىن قايتارۋ تۋرالى شەشىم قابىلداندى. سونىمەن قاتار حالىقارالىق وليمپيادالار مەن كونكۋرستاردا جەڭىسكە جەتكەن دارىندى وقۋشىلارعا «بولاشاق» باعدارلاماسى ارقىلى ۇزدىك شەتەلدىك جوعارى وقۋ ورىندارىندا ءبىلىم الۋ مۇمكىندىگى قاراستىرىلدى. ماقۇلدانعان زاڭ تالىمگەرلىك ينستيتۋتىنىڭ الەۋەتىن نىعايتۋعا جانە ءتىلىمىزدى دامىتۋ، ءبىلىم بەرۋ جۇيەسىن جەتىلدىرۋ جونىندەگى مەملەكەتتىك ساياساتتىڭ تيىمدىلىگىن ارتتىرۋعا وڭ ىقپالىن تيگىزەدى دەپ سەنەمىز»، دەدى ماۋلەن اشىمبايەۆ.