ۇكىمەت مەملەكەت باسشىسىنىڭ باستاماسىمەن 2025 جىلدى جۇمىسشى ماماندىقتارى جىلى دەپ جاريالاۋ اياسىندا تەحنيكالىق مامانداردى قولداۋعا ارنالعان جاڭا شارالاردى جۇزەگە اسىرۋدا. وسىعان وراي، وتباسى بانكى «ناۋرىز جۇمىسكەر» تۇرعىن ءۇي باعدارلاماسىن ىسكە قوستى. بۇل باعدارلاما ارقىلى ەلىمىزدەگى جۇمىسشى ماماندىق يەلەرىنىڭ باسپانا ماسەلەسى شەشىمىن تاباتىن بولادى، دەپ حابارلايدى aqshamnews.kz
«ناۋرىز جۇمىسكەر» باعدارلاماسى ءوندىرىس، ەنەرگەتيكا، كولىك، اۋىل شارۋاشىلىعى جانە سۋ رەسۋرستارى سالاسىندا جۇمىس ىستەيتىن ماماندارعا ارنالعان. بۇل باستاما اۋىر جانە جاۋاپتى ەڭبەكتىڭ قوعام ءۇشىن ماڭىزدىلىعىن ەسكەرە وتىرىپ قابىلدانعان.
- نەسيە كولەمى: بيىل 72 ملرد تەڭگە كولەمىندە قاراجات ءبولىنىپ، 2 440 نەسيە بەرىلەدى.
- وتىنىمدەر قابىلداۋ مەرزىمى: 2025 جىلدىڭ 17 ناۋرىزى.
- سىياقى مولشەرلەمەسى:
- الەۋمەتتىك وسال توپتار ءۇشىن – 7% (جتسم 7،1%-دان 9،6%-عا دەيىن).
- باسقا ساناتتار ءۇشىن – 9% (جتسم 9،4%-دان 13%-عا دەيىن).
- باستاپقى جارنا:
- تازا ارلەۋدەگى جاڭا تۇرعىن ءۇي ءۇشىن – 10%.
- ارلەنبەگەن جاڭا ءۇي نەمەسە قايتالاما نارىقتاعى ءۇي ءۇشىن – 20%.
- نەسيەنىڭ ەڭ جوعارى سوماسى:
- وبلىستار ءۇشىن – 30 ملن تەڭگە.
- استانا مەن الماتى قالالارى ءۇشىن – 36 ملن تەڭگە.
«ناۋرىز جۇمىسكەر» باعدارلاماسىمەن قاتار، وتباسى بانكى وتاندىق كاسىپورىندارمەن بىرلەسىپ «كورپوراتيۆتىك» ءونىمدى ىسكە قوسادى. بۇل مەحانيزم ارقىلى كاسىپورىندار ءوز قىزمەتكەرلەرىنە نەسيە بەرۋ ءۇشىن ارنايى قاراجات بولەدى.
«وتباسى بانكى» اق باسقارما ءتوراعاسى ءلاززات يبراگيموۆا جۇمىسشى مامانداردىڭ ەل ءۇشىن ماڭىزدىلىعىن اتاپ ءوتتى:
«مەتاللۋرگتەر، كەنشىلەر، ەلەكتريكتەر، تاس قالاۋشىلار جانە باسقا دا اۋىر جۇمىس اتقاراتىن ماماندار ءبىزدىڭ نەگىزگى قاجەتتىلىكتەرىمىزدى قامتاماسىز ەتىپ وتىر. ولاردىڭ باسپانا ماسەلەسىن شەشۋ – قيىن ەڭبەك جاعدايلارىنىڭ ورنىن تولتىرۋ ءۇشىن جاسالعان ماڭىزدى قادام».
«ناۋرىز جۇمىسكەر» تۇرعىن ءۇي باعدارلاماسى ارقىلى جۇمىسشى ماماندىق يەلەرىنە مەملەكەت تاراپىنان قولداۋ كورسەتىلىپ، ولاردىڭ ءومىر ساپاسىن ارتتىرۋعا جاعداي جاسالادى. بۇل باستاما ەلدەگى الەۋمەتتىك ادىلەتتىلىكتى نىعايتىپ، ەڭبەك ادامدارىنىڭ بەدەلىن كوتەرۋگە ۇلكەن ۇلەس قوسادى.