«Fortune Partners» كونسالتينگتىك كومپانياسىنىڭ ديرەكتورى دانا توقمۋرزينا قازاقستاندا جوسپارلانىپ وتىرعان سالىق رەفورماسىن ۋاقىتىلى ءارى قاجەتتى باستاما دەپ باعالايدى.
ساراپشىنىڭ ايتۋىنشا، مەملەكەت الەۋمەتتىك باعىتتاعى ەل رەتىندە قالعىسى كەلسە، كىرىس بولىگىن دۇرىس قالىپتاستىرۋى كەرەك. بۇل رەتتە سالىقتىق مورالدى ەنگىزۋ جانە سالىق جۇكتەمەسىنىڭ ءادىل ءبولىنۋى ماڭىزدى ءرول اتقارادى.
«سالىق جۇكتەمەسىنىڭ كوەففيسيەنتى سالىق تولەۋشىلەردى ىنتالاندىرۋ قۇرالىنا اينالۋى كەرەك. ونىڭ ورنىنا، مەملەكەت سالىقتىق تەكسەرۋلەردى شەكتەۋى قاجەت. سالىق تولەۋ – بۇل ءبىزدىڭ ورتاق مىندەتىمىز. ونى ادال ورىنداعان جاعدايدا، مەملەكەتتەن رەفورمالار مەن الەۋمەتتىك قولداۋلاردى كۇتۋگە قۇقىعىمىز بار»، – دەيدى دانا توقمۋرزينا.
ساراپشى ءادىل سالىق جۇيەسى مەن ازاماتتاردى ىنتالاندىرۋ تەتىكتەرىن قۇرۋ ارقىلى ەلدىڭ ەكونوميكالىق تۇراقتىلىعىن نىعايتۋعا بولاتىنىن اتاپ ءوتتى.