الماتى قۇرىلىس-تەحنيكالىق كوللەدجىندە قازاقستان، وزبەكستان، قىرعىزستان، تاجىكستان جانە موڭعوليا كاسىپتىك ءبىلىم بەرۋ مەكەمەلەرىنىڭ پەداگوگتەرى اراسىندا 1سانتەحنيكا جانە جىلىتۋ1 قۇزىرەتتىلىگى بويىنشا حالىقارالىق كاسىبي كونكۋرس ءوتتى.
كوللەدج بازاسىندا GROHE رەسۋرستىق ورتالىعى اشىلدى.اتالعان ءىس-شارا مەملەكەت باسشىسى قاسىم-جومارت توقايەۆتىڭ جولداۋىن ىسكە اسىرۋ جانە جۇمىسشىلار جىلىن وتكىزۋ اياسىندا ۇيىمداستىرىلدى.
ونىڭ باستى ماقساتى – جۇمىسشى بىلىكتىلىگىنىڭ بەدەلىن ارتتىرۋ، كاسىبي ءبىلىم بەرۋ جۇيەسىنە قوعامنىڭ نازارىن اۋدارۋ، حالىقارالىق دەڭگەيدە پەداگوگتەردىڭ تاجىريبە الماسۋىنا جاعداي جاساۋ. كونكۋرسقا الماتى قالاسى ءبىلىم باسقارماسىنىڭ وكىلدەرى، «تالاپ» كەاق، GROHE، KNAUF كومپانيالارىنىڭ ماماندارى، سونداي-اق قازاقستان، وزبەكستان، قىرعىزستان، تاجىكستان جانە موڭعوليا مەملەكەتتەرىنىڭ كاسىپتىك ءبىلىم بەرۋ ۇيىمدارىنىڭ وكىلدەرى قاتىستى.
GROHE رەسۋرستىق ورتالىعىنىڭ اشىلۋى سانتەحنيكا جانە جىلىتۋ سالاسىنداعى ءبىلىم بەرۋدى جاڭا دەڭگەيگە كوتەرۋگە باعىتتالعان. ورتالىقتا زاماناۋي جابدىقتار ورناتىلعان، وقۋ بارىسىندا قولدانىلاتىن يننوۆاسيالىق تەحنولوگيالار قاراستىرىلعان. بۇل جەردە WorldSkills چەمپيوناتتارىنا قاتىسۋشىلار دايىندالىپ، كاسىبي شەبەرلىك كونكۋرستارى، شەبەرلىك سىنىپتارى، بىلىكتىلىكتى ارتتىرۋ كۋرستارى ۇيىمداستىرىلادى.
ءىس-شارا اياسىندا ەلىمىزدىڭ ستۋدەنتتەرى Euroskills Herning 2025 (دانيا) چەمپيوناتىنا ىرىكتەۋ تۋرىنان ءوتتى. بۇل جارىس – بولاشاق كاسىبي مامانداردىڭ بىلىكتىلىگىن كورسەتەتىن ماڭىزدى الاڭ. جەڭىمپازدار حالىقارالىق دەڭگەيدە ەل نامىسىن قورعاۋعا مۇمكىندىك الادى.
كونكۋرس ءتورت مودۋل بويىنشا ءوتتى. ولار: كارىز قۇبىرلارىن جالعاۋ، راكوۆينا مەن قولجۋعىشتاردى ورناتۋ، بارلىق جۇيەنى بىرىكتىرۋ جانە بۋش جابدىعىن قوسۋ جانە تولىق جۇيەنى تەكسەرۋ.
كونكۋرسقا قاتىسۋشىلار ءوز شەبەرلىكتەرىن شىڭداپ، جاڭا تاجىريبە جيناقتادى. بايقاۋ جۇمىسشى ماماندىقتارىنىڭ ماڭىزدىلىعىن ارتتىرىپ، حالىقارالىق ىنتىماقتاستىقتى نىعايتۋعا سەپتىگىن تيگىزەدى.
تاقىرىپقا وراي
بەكتۇرعان احمەتوۆ، الماتى قۇرىلىس-تەحنيكالىق كوللەدجىنىڭ ديرەكتورى:
تاجىريبە الماسۋ الاڭى
– كوللەدجىمىزدە حالىقارالىق دەڭگەيدەگى اۋقىمدى ءىس-شارا ۇيىمداستىرىلدى. GROHE رەسۋرستىق ورتالىعىنىڭ اشىلۋى دا، «سانتەحنيكا جانە جىلىتۋ» قۇزىرەتتىلىگى بويىنشا حالىقارالىق كاسىبي كونكۋرس تا – ماڭىزدى جوبالار. بۇل بايقاۋ بىزگە نە بەرەدى؟ بىرىنشىدەن، كورشىلەس ەلدەردەن كەلگەن مۇعالىمدەر مەن وندىرىستىك وقىتۋ شەبەرلەرى ءوزارا تاجىريبە الماسىپ، بىلىكتىلىگىن ارتتىرۋعا مۇمكىندىك الادى. ەكىنشىدەن، جۇمىسشى ماماندىقتارىنىڭ بەدەلىن كوتەرۋگە جانە ولاردىڭ قوعامداعى ماڭىزىن ناسيحاتتاۋعا ىقپال ەتەدى.قازىرگى كەزدە سانتەحنيك ماماندىعى جوعارى تەحنولوگيالىق، زاماناۋي سالا. بىزدە تۇلەكتەرىمىز 700-800 مىڭ تەڭگەگە دەيىن جالاقى الىپ، تۇراقتى جۇمىس ىستەپ ءجۇر. بۇل دا وسى ماماندىقتىڭ سۇرانىسقا يە ەكەنىن كورسەتەدى.
رومان باسوۆ، GROHE كومپانياسىنىڭ وكىلى:
ءبىر عاسىر تاجىريبەسى
– ءبىز سىزدەردى وسى ماڭىزدى وقيعا – رەسۋرستىق ورتالىقتىڭ اشىلۋى مەن حالىقارالىق كاسىبي جارىستىڭ باستالۋىمەن قۇتتىقتايمىز. GROHE – سانيتارلىق-تەحنيكالىق ونىمدەر سالاسىنداعى الەمدىك كوشباسشىلاردىڭ ءبىرى. ءبىزدىڭ تاريحىمىز 1936 جىلدان باستالادى، جانە وسى ۋاقىت ىشىندە ءبىز ۇلكەن تاجىريبە جيناقتادىق. بۇل تاجىريبەنى ەندى سىزدەرمەن بولىسۋگە دايىنبىز. GROHE كومپانياسى كاسىبي ءبىلىم بەرۋدى قولداۋ ماقساتىندا الەم بويىنشا 75-تەن استام وقۋ جوبالارىن ىسكە اسىردى، ولاردىڭ اياسىندا 12 مىڭنان استام ستۋدەنت ءبىلىم الدى. قازاقستاندا ءبىز ەكى رەسۋرستىق ورتالىقتى ىسكە قوستىق: ءبىرى استانادا، ەكىنشىسى الماتىدا. بۇگىندە وسى ورتالىقتاردى دامىتۋعا ەرەكشە كوڭىل بولىنۋدە. الماتىدا اشىلعان ورتالىق – بۇل وقىتۋشىلار مەن ستۋدەنتتەرگە زاماناۋي تەحنولوگيالاردى يگەرۋگە مۇمكىندىك بەرەتىن كاسىبي الاڭ. ءبىزدىڭ ماقساتىمىز – مامانداردىڭ كاسىبي دەڭگەيىن كوتەرۋ جانە ولاردى حالىقارالىق ستاندارتتارعا ساي دايىنداۋ. قازاقستاندا جۇمىسشىلار جىلى جاريالانعانى ءبىز ءۇشىن ماڭىزدى. بۇل – جۇمىسشى ماماندىقتارىنىڭ بەدەلىن كوتەرۋدىڭ تاماشا مۇمكىندىگى. ءبىز سىزدەرمەن بىرگە وسى سالانى دامىتۋعا دايىنبىز. كونكۋرسقا قاتىسۋشىلارعا ساتتىلىك، ال ستۋدەنتتەرگە الداعى حالىقارالىق جارىستاردا جەڭىس تىلەيمىز!